ഷാർജ: ഷാർജയിലെ തുറയ (Thuraya) ടെലികമ്മ്യൂണിക്കേഷൻസ് കമ്പനിയുടെ അഡ്മിനിസ്ട്രേറ്റീവ് കെട്ടിടത്തിന് നേരെയുണ്ടായ മിസൈൽ ആക്രമണത്തിൽ രണ്ട് പേർക്ക് പരുക്കേറ്റു. ഇറാൻ തൊടുത്തുവിട്ട ബാലിസ്റ്റിക് മിസൈൽ കെട്ടിടത്തിന് മുകളിൽ പതിക്കുകയായിരുന്നുവെന്ന് ഷാർജ അധികൃതർ സ്ഥിരീകരിച്ചു. ഉച്ചയ്ക്ക് 3:37-ഓടെയാണ് സംഭവം നടന്നത്.

ആക്രമണത്തിൽ കെട്ടിടത്തിലുണ്ടായിരുന്ന രണ്ട് പാകിസ്ഥാൻ സ്വദേശികൾക്കാണ് പരുക്കേറ്റത്. ഇവരുടെ പരിക്ക് ഗുരുതരമല്ലെന്നും പ്രാഥമിക വിവരങ്ങൾ സൂചിപ്പിക്കുന്നു. സംഭവസ്ഥലത്തെത്തിയ രക്ഷാപ്രവർത്തകർ പരിക്കേറ്റവരെ ഉടൻ തന്നെ വിദഗ്ധ ചികിത്സയ്ക്കായി അടുത്തുള്ള ആശുപത്രിയിലേക്ക് മാറ്റി.

ALSO READ: ഏത് അടിയന്തര സാഹചര്യവും നേരിടാൻ ആരോഗ്യ മേഖല സജ്ജം: അബുദബി ആരോഗ്യ വകുപ്പ്

തുറയ ടെലികമ്മ്യൂണിക്കേഷൻസ് കെട്ടിടത്തിന് നാശനഷ്ടം

പ്രമുഖ സാറ്റലൈറ്റ് ടെലികമ്മ്യൂണിക്കേഷൻ കമ്പനിയായ തുറയയുടെ അഡ്മിനിസ്ട്രേറ്റീവ് ബ്ലോക്കിന് നേരെയാണ് ആക്രമണമുണ്ടായത്. മിസൈൽ പതിച്ചതിനെത്തുടർന്ന് കെട്ടിടത്തിന് ഭാഗികമായ നാശനഷ്ടങ്ങൾ സംഭവിച്ചിട്ടുണ്ട്. മേഖലയിൽ സുരക്ഷാ ഉദ്യോഗസ്ഥർ പരിശോധന കർശനമാക്കി. സംഭവത്തെത്തുടർന്ന് പ്രദേശത്ത് കനത്ത ജാഗ്രതാ നിർദ്ദേശം നൽകിയിട്ടുണ്ട്.

മേഖലയിലെ സ്ഥിതിഗതികൾ അധികൃതർ സൂക്ഷ്മമായി നിരീക്ഷിച്ചു വരികയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ ശ്രദ്ധിക്കണമെന്നും ഷാർജ സുരക്ഷാ വിഭാഗം അറിയിച്ചു. കൂടുതൽ നാശനഷ്ടങ്ങൾ ഒഴിവാക്കാനുള്ള മുൻകരുതൽ നടപടികൾ സ്വീകരിച്ചുവരികയാണ്.

a missile attack targeted a telecommunications company building in sharjah, leaving two people injured. authorities responded swiftly and launched an investigation into the incident.