ടി-20 ക്രിക്കറ്റിൽ പുതിയ നാഴികക്കല്ല് സ്വന്തമാക്കി ഇംഗ്ലണ്ട് സൂപ്പർതാരം ജോസ് ബട്ലർ. ഐപിഎല്ലിൽ ഡൽഹി ക്യാപ്പിറ്റൽസിനെതിരെയുള്ള മത്സരത്തിൽ ഗുജറാത്ത് ടൈറ്റൻസിനായി തകർത്തടിച്ചാണ് ബട്ലർ പുതിയ നേട്ടം സ്വന്തമാക്കിയത്. കുട്ടിക്രിക്കറ്റിൽ 600 സിക്സുകൾ പൂർത്തിയാക്കാനാണ് ബട്ലറിന് സാധിച്ചത്. ടി-20യിൽ 600 സിക്സുകൾ നേടുന്ന അഞ്ചാമത്തെ താരമാണ് ബട്ലർ. നിക്കോളാസ് പൂരൻ, ആന്ദ്രേ റസ്സൽ, കിറോൺ പൊള്ളാർഡ്, ക്രിസ് ഗെയ്ൽ എന്നിവരാണ് ഇതിനു മുമ്പ് ഈ നേട്ടത്തിലെത്തിയത്. 

സമീപകാലങ്ങളിൽ മോശം ഫോമിൽ തുടരുന്ന ബട്ലറുടെ ഗംഭീര തിരിച്ചുവരവാണ് ഡൽഹി അരുൺ ജെയ്റ്റ്ലി സ്റ്റേഡിയം സാക്ഷ്യം വഹിച്ചത്. 27 പന്തിൽ 52 റൺസാണ് ഇംഗ്ലണ്ട് താരത്തിന്റെ ബാറ്റിൽ നിന്നും പിറന്നത്. മൂന്ന് ഫോറുകളും അഞ്ചു കൂറ്റൻ സിക്സുകളും അടങ്ങുന്നതാണ് താരത്തിന്റെ വെടിക്കെട്ട് ഇന്നിംഗ്സ്. 

അതേസമയം സീസണിലെ ആദ്യ വിജയം തേടിയാണ് ശുഭ്മൻ ഗില്ലും സംഘവും ഇറങ്ങിയിരിക്കുന്നത്. ഡൽഹി കളിച്ച രണ്ട് മത്സരങ്ങളും വിജയിച്ചാണ് എത്തുന്നത്.

ഗുജറാത്ത് ടൈറ്റൻസ് പ്ലെയിങ് ഇലവൻ 

സായ് സുദർശൻ, ശുഭ്‌മാൻ ഗിൽ (ക്യാപ്റ്റൻ), ജോസ് ബട്ലർ (വിക്കറ്റ് കീപ്പർ) ഷാരൂഖ് ഖാൻ, രാഹുൽ തെവാട്ടിയ, റാഷിദ് ഖാൻ, അർഷാദ് ഖാൻ, രവിശ്രീനിവാസൻ സായ് കിഷോർ, പ്രസിദ്ധ് കൃഷ്ണ‌, മുഹമ്മദ് സിറാജ്, ഇഷാന്ത് ശർമ്മ. 

ഡൽഹി ക്യാപ്പിറ്റൽസ് പ്ലെയിങ് ഇലവൻ 

അഭിഷേക് പോറൽ, കരുൺ നായർ, കെ എൽ രാഹുൽ (വിക്കറ്റ് കീപ്പർ), ട്രിസ്റ്റൻ സ്റ്റബ്സ്, അക്‌സർ പട്ടേൽ (ക്യാപ്റ്റൻ), അശുതോഷ് ശർമ്മ, വിപ്രജ് നിഗം, മിച്ചൽ സ്റ്റാർക്ക്, കുൽദീപ് യാദവ്, മോഹിത് ശർമ്മ, മുകേഷ് കുമാർ. 

England superstar Jos Buttler has achieved a new milestone in T20 cricket. Buttler achieved the new achievement by smashing a six for Gujarat Titans against Delhi Capitals in the IPL. Buttler managed to complete 600 sixes in minor cricket.