റായ്പൂർ: ചത്തീസ്ഗഡിലെ കാങ്കറിൽ കാറുകൾ തമ്മിൽ കൂട്ടിയിടിച്ച് ഒരു കുടുംബത്തിലെ ആറ് പേർ മരിച്ചു, മൂന്ന് പേർക്ക് ഗുരുതരമായി പരുക്കേറ്റു. ഇവർ സ‍ഞ്ചരിച്ചിരുന്ന കാർ എതിർദിശയിൽ വന്ന മറ്റൊരു കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ഇരു വാഹനങ്ങളും പൂർണ്ണമായും തകർന്നു. 

ഇന്നലെ രാത്രിയായിരുന്നു അപകടം ഉണ്ടായത്. സമീപഗ്രാമമായ ചിവരാജിൽ നടന്ന വിവാഹത്തിൽ പങ്കെടുത്ത മടങ്ങവേയായിരുന്നു അപകടം. കാറിലുണ്ടായിരുന്ന ഒരു കുട്ടിയും, രണ്ട് പുരുഷന്മാരും, മൂന്ന് സ്ത്രീകളും ഉൾപ്പെടെ ആറ് പേർ സംഭവസ്ഥലത്ത് തന്നെ മരിച്ചു, മറ്റൊരാൾക്ക് ഗുരുതരമായി പരുക്കേറ്റു.  

ALSO READ: ഭൂമിയോടടുത്ത് ആര്‍ട്ടെമിസ് 2; ഇന്ന് പസഫിക്കില്‍ 'സ്പ്ലാഷ് ഡൗണ്‍' ചെയ്യും, ഭൗമാന്തരീക്ഷം വെല്ലുവിളി

എതിരെ വന്ന കാറിൽ രണ്ട് പേരാണ് ഉണ്ടായിരുന്നത്. ​ഗുരുതരമായി പരുക്കേറ്റ ഇവരെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. മൂന്ന് പേരുടെയും നില അതീവ ഗുരുതരമായി തുടരുകയാണെന്നാണ് റിപ്പോർട്ടുകൾ.