കോഴിക്കോട്: കോഴിക്കോട് കക്കോടി സ്വദേശിയായ കപ്പല്‍ ജോലിക്കാരനെ മെക്‌സിക്കന്‍ കടലില്‍ കാണാതായതായി പരാതി. അമേരിക്കന്‍ കമ്പനിയായ നോര്‍വീജിയന്‍ ക്രൂയിസ്ലൈന്‍ ഉടമസ്ഥതയില്‍ ഉള്ള ആഡംബര യാത്രാക്കപ്പലായ എന്‍.സി.എല്‍. വിവയിലെ ജോലിക്കാരനായ വിന്‍ഷാര്‍(38) എന്ന യുവാവിനെയാണ് കാണാതായത്. 

ഒന്‍പതാം തിയ്യതി പുലര്‍ച്ചെയാണ് വിന്‍ഷാറിനെ കാണാതായതെന്നാണ് ബന്ധുക്കള്‍ക്ക് വിവരം ലഭിച്ചത്. മെക്‌സിക്കന് തുറമുഖത്ത് നിന്ന് കപ്പല്‍ യു.എസിലേക്ക് യാത്ര തിരിക്കുന്നതിനിടെയാണ് കാണാതായതെന്നാണ് വിവരം. മെക്‌സിക്കന്‍ തീരസേന കടലില്‍ തിരച്ചില്‍ നടത്തിവരികയാണ്.