​ദുബൈ: പ്രോപ്പർട്ടി വാങ്ങുന്നവർക്കും ഇൻവെസ്റ്റേഴ്സിനും ഇനി കാര്യങ്ങൾ കൂടുതൽ സിമ്പിളാകും. ദുബൈയിലെ റിയൽ എസ്റ്റേറ്റ്, റെസിഡൻസി സേവനങ്ങൾ ഒരൊറ്റ സിസ്റ്റത്തിന് കീഴിലാക്കാൻ ദുബൈ ലാൻഡ് ഡിപ്പാർട്ട്‌മെന്റും (DLD), ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനർ അഫയേഴ്‌സും (GDRFA Dubai) കരാറൊപ്പിട്ടു. ഇതോടെ അപേക്ഷകൾ വേഗത്തിൽ തീർപ്പാക്കാനും പ്രോസസിംഗ് ടൈം കുറയ്ക്കാനും സാധിക്കും.

​എന്തൊക്കെയാണ് പുതിയ മാറ്റങ്ങൾ?

നേരത്തെ വിവിധ അതോറിറ്റികൾ വഴി ചെയ്യേണ്ടിയിരുന്ന പ്രധാന സേവനങ്ങളെല്ലാം ഇനി ഒറ്റ ചാനലിലൂടെ ലഭ്യമാകും.

• ​Golden Residency: നിക്ഷേപകർക്കുള്ള ഗോൾഡൻ വിസ നടപടികൾ.
• ​Retiree Residency: വിരമിച്ചവർക്കുള്ള താമസാനുമതി.
• ​Property Residency: പ്രോപ്പർട്ടി ഉടമകൾക്കുള്ള റെസിഡൻസി സേവനങ്ങൾ.

ദുബൈയുടെ എക്കണോമിക് അജണ്ടയായ D33 ലക്ഷ്യമിട്ടുള്ള സുപ്രധാന നീക്കമാണിത്. സർവീസ് പ്രൊസീജറുകൾ ഈസിയാക്കുന്നതിലൂടെ കൂടുതൽ വിദേശ നിക്ഷേപകരെ ആകർഷിക്കാനും ഇൻവെസ്റ്റേഴ്സിന്റെ ആത്മവിശ്വാസം വർധിപ്പിക്കാനുമാണ് ദുബൈ സർക്കാർ ലക്ഷ്യമിടുന്നത്. ജി.ഡി.ആർ.എഫ്.എ ഡയറക്ടർ ജനറൽ ലഫ്റ്റനന്റ് ജനറൽ മുഹമ്മദ് അഹമ്മദ് അൽ മറിയും,  ദുബൈ ലാൻഡ് ഡിപ്പാർട്ട്‌മെന്റ് തലവൻ ഒമർ ഹമദ് ബു ഷെഹാബും ചേർന്നാണ് ഈ എം.ഒ.യു (MoU) ഒപ്പിട്ടത്.

ALSO READ: ലൈവ് ക്ലാസുകളിൽ അധ്യാപകർ നിർബന്ധമായും ക്യാമറ ഓൺ ചെയ്തിരിക്കണം; അബൂദബിയിൽ ഡിസ്റ്റൻസ് എജുക്കേഷൻ നിയമങ്ങൾ കർശനമാക്കി; അധ്യാപനത്തിനും ഹാജരിനും പുതിയ മാർഗ്ഗനിർദ്ദേശങ്ങൾ

​ഡിജിറ്റൽ ടൂളുകളുടെയും ഓട്ടോമേഷന്റെയും സഹായത്തോടെ ഡാറ്റാ ഷെയറിംഗ് കൂടുതൽ വേഗത്തിലാക്കും. ഇതിലൂടെ വിസയ്ക്കും മറ്റുമായി കാത്തിരിക്കേണ്ടി വരുന്ന സമയം വലിയ തോതിൽ കുറയും. ലളിതമായി പറഞ്ഞാൽ, ദുബൈയിൽ വീട് വാങ്ങുന്നവർക്കും താമസിക്കാനാഗ്രഹിക്കുന്നവർക്കും ഇനി പേപ്പർ വർക്കുകളുടെ നൂലാമാലകളില്ലാതെ കാര്യങ്ങൾ സ്മൂത്തായി നടക്കും.