തിരുവനന്തപുരം: സ്വര്‍ണക്കൊള്ള കേസില്‍ ദേവസ്വം മുന്‍ അംഗവും സി.പി.ഐ നേതാവുമായ കെ.പി ശങ്കരദാസിന് ജാമ്യം. പ്രത്യേക അന്വേഷണസംഘം കുറ്റപത്രം സമര്‍പ്പിക്കാത്തതിനാലാണ് കോടതി സ്വാഭാവിക ജാമ്യം അനുവദിച്ചത്. 

ഇതോടെ ശബരിമല സ്വര്‍ണ കൊള്ളയുമായി ബന്ധപ്പെട്ട കേസിലെ മുഴുവന്‍ പ്രതികളും ജാമ്യത്തില്‍ പുറത്തിറങ്ങി.  നേരത്തെ ആരോഗ്യപരമായ കാരണങ്ങള്‍ ചൂണ്ടിക്കാട്ടി ശങ്കരദാസ്  ജാമ്യത്തിന് അപേക്ഷിച്ചിരുന്നെങ്കിലും കോടതി തള്ളിയിരുന്നു. ശങ്കരദാസ് അറസ്റ്റിലായി 90 ദിവസം പൂര്‍ത്തിയായിട്ടും അന്വേഷണസംഘം കുറ്റപത്രം സമര്‍പ്പിക്കാത്ത സാഹചര്യത്തിലാണ് സ്വാഭാവിക ജാമ്യത്തിന് അര്‍ഹത ലഭിച്ചത്. ഈ വര്‍ഷം ജനുവരി 14 നാണ് എസ്.ഐ.ടി ശങ്കരദാസിനെ അറസ്റ്റ് ചെയ്തത്.  

കേസില്‍ 13 പ്രതികളില്‍ പുറത്തിറങ്ങുന്ന അവസാനത്തെ ആളാണ് ശങ്കരദാസ്. കേസിലെ മറ്റ് പ്രതികള്‍ക്കെല്ലാം നേരത്തെ ജാമ്യം ലഭിച്ചിരുന്നു. മുഖ്യപ്രതിയായ ഉണ്ണിക്കൃഷ്ണന്‍ പോറ്റി, ശബരിമല മുന്‍ അഡ്മിനിസ്‌ട്രേറ്റീവ് ഓഫിസര്‍ മുരാരി ബാബു, തന്ത്രി കണ്ഠര് രാജീവര്, സിപിഎം നേതാവും ദേവസ്വം ബോര്‍ഡ് മുന്‍ പ്രസിഡന്റുമായ എ.പത്മകുമാര്‍, മുന്‍ എക്‌സിക്യൂട്ടീവ് ഓഫിസര്‍ ഡി. സുധീഷ്‌കുമാര്‍, ദേവസ്വം ബോര്‍ഡ് മുന്‍ പ്രസിഡന്റും കമ്മിഷണറുമായ എന്‍. വാസു, മുന്‍ എക്‌സിക്യൂട്ടീവ് ഓഫിസര്‍ എസ്.ശ്രീകുമാര്‍ എന്നിവരാണ് നേരത്തെ ജാമ്യം ലഭിച്ച് പുറത്തിറങ്ങിയത്. കുറ്റപത്രം സമര്‍പ്പിക്കാത്തിനാലാണ് ഇവര്‍ക്കും ജാമ്യം ലഭിച്ചത്.

In a major development in the Sabarimala Temple gold theft case, K. P. Shankardas has been granted bail. With this, all accused in the case are now out on bail. The court’s decision marks a significant turn in the ongoing legal proceedings, while further investigation and trial processes are expected to continue. The case had earlier drawn widespread attention due to its connection with the temple.