കല്‍പ്പറ്റ: വയനാട്ടില്‍ ഏഴ് പേര്‍ക്ക് കൂടി ഷിഗെല്ല സ്ഥിരീകരിച്ചു. ഇതോടെ ഇതുവരെ ഷിഗെല്ല സ്ഥിരീകരിച്ചവരുടെ എണ്ണം 16 ആയി. കഴിഞ്ഞ ദിവസം ഒരു കുട്ടിക്ക് കൂടി ഷിഗെല്ല രോഗബാധ സ്ഥിരീകരിച്ചിരുന്നു. നെന്മേനി പഞ്ചായത്തിലെ കോളിയാടി എ.യു.പി സ്‌കൂളില്‍ നിന്ന് പനിയും വയറിളക്കവും ചര്‍ദിയും ഉണ്ടായതിനെ തുടര്‍ന്ന് ചികിത്സ തേടിയ കുട്ടിയുടെ പരിശോധനാഫലമാണ് പോസിറ്റീവായത്. ഇതോടെ ജില്ലയിലെ രോഗബാധിതരുടെ എണ്ണം ഒന്‍പതായി. 21 സാമ്പിളുകളാണ് പരിശോധനയ്ക്കായി അയച്ചിരുന്നത്. 

ALSO READ: പകര്‍ച്ചപ്പനിയില്‍ കേരളം; ഇന്നലെ മാത്രം ചികിത്സ തേടിയത് 13,025 പേര്‍

ഇതില്‍ ഒന്‍പത് പേര്‍ക്കും രോഗം സ്ഥിരീകരിച്ചിരുന്നു. ഇനി 12 സാമ്പിളുകളുടെ ഫലം കൂടി വരാനുണ്ട്. ഇതുവരെ 514 പേരിലാണ് രോഗലക്ഷണങ്ങള്‍ കണ്ടെത്തിയത്. ഇന്നലെ 10 പേരെ കൂടി ആശുപത്രിയില്‍ പ്രവേശിപ്പിച്ചു. നിലവില്‍ 45 പേരാണ് വിവിധ ആശുപത്രികളിലായി ചികിത്സയിലുള്ളത്.  രോഗം സ്ഥിരീകരിച്ച എല്ലാവരുടെയും ആരോഗ്യനില തൃപ്തികരമാണെന്ന് ഡി.എം.ഒ ഡോ. കെ.ടി രേഖ അറിയിച്ചു.

രോഗത്തിന്റെ ഉറവിടം ഇതുവരെ കണ്ടെത്താനായിട്ടില്ല എന്നതാണ് നിലവില്‍ ജില്ലയിലെ ആരോഗ്യ മേഖല നേരിടുന്ന വെല്ലുവിളി. ഉറവിടം കണ്ടെത്തിയാല്‍ മാത്രമാണ് ഫലപ്രദമായ രീതിയില്‍ പ്രതിരോധ പ്രവര്‍ത്തനങ്ങള്‍ മുന്നോട്ട് കൊണ്ടുപോവാന്‍ കഴിയുകയുള്ളൂ എന്നും ആരോഗ്യ പ്രവര്‍ത്തകര്‍ വ്യക്തമാക്കുന്നു. 

health concerns are rising in wayanad after seven more people tested positive for shigella. officials are closely monitoring the situation as kerala continues to witness an increase in infectious disease cases across multiple districts.