കോഴിക്കോട്: പാര്‍ട്ടിയിലെ മുഖ്യമന്ത്രി ചര്‍ച്ചക്കെതിരെ കോണ്‍ഗ്രസ് നേതാവ് രമേശ് ചെന്നിത്തല. ഇത്തരം വിവാദങ്ങള്‍ ഉണ്ടാക്കുന്നതില്‍ അര്‍ത്ഥമില്ലെന്ന് അദ്ദേഹം ചൂണ്ടിക്കാട്ടി. താന്‍ എന്തായാലും സാമൂഹിക മാധ്യമങ്ങളിലൂടെ ഏതെങ്കിലും ചര്‍ച്ച നടത്താനോ ഒന്നും നിന്നിട്ടില്ലെന്നും ഇത്, അനാവശ്യ വിവാദമാണെന്നും അദ്ദേഹം കൂട്ടിച്ചേര്‍ത്തു.  നമ്മള്‍ ജയിക്കാന്‍ വോട്ട് ചെയ്ത്, ജയത്തിനുവേണ്ടി കാത്തിരിക്കുന്ന ജനത്തിന്റെ മനോവികാരം തകര്‍ക്കാന്‍ മാത്രമെ ഈ വിവാദം  ഉപകരിക്കൂ. അതുകൊണ്ട് ഇത്തരം വിവാദങ്ങളില്‍ നിന്ന് എല്ലാവരും ഒഴിഞ്ഞ് നില്‍ക്കണമെന്നാണ് പറയാനുള്ളത്- അദ്ദേഹം വ്യക്തമാക്കി. താനടക്കം എല്ലാ വിവാദങ്ങളില്‍ നിന്നും മാറി നില്‍ക്കണം. സാമൂഹിക മാധ്യമങ്ങളിലൂടെ അല്ലല്ലോ കോണ്‍ഗ്രസിന്റെ മുഖ്യമന്ത്രിയെ തീരുമാനിക്കുന്നതെന്നും അദ്ദേഹം കൂട്ടിച്ചേര്‍ത്തു. ആദ്യമായല്ലല്ലോ കോണ്‍ഗ്രസിന് മുഖ്യമന്ത്രി ഉണ്ടാകുന്നതെന്ന് പറഞ്ഞ അദ്ദേഹം അന്തിമ തീരുമാനം ഹൈക്കമാന്റിന്റെതാണണെന്നും കൂട്ടിച്ചേര്‍ത്തു.

കെ. സുധാകരന്‍ തെരഞ്ഞെടുപ്പ് പ്രചാരണവേളയില്‍ രമേശ് ചെന്നിത്തല മുഖ്യമന്ത്രിയാവണമെന്ന് പറഞ്ഞത് മാധ്യമപ്രവര്‍ത്തകര്‍ ചൂണ്ടിക്കാട്ടിയപ്പോള്‍ ' സുധാകരന്‍ എന്റെ അടുത്ത സുഹൃത്താണ്'. എന്നായിരുന്നു അദ്ദേഹത്തിന്റെ പ്രതികരണം.

ramesh chennithala criticises the ongoing chief minister discussions within congress, stating that social media will not decide leadership and warning against unnecessary controversy ahead of election results.