മനാമ: ബഹ്‌റൈൻ ഡിഫൻസ് ഫോഴ്‌സ് (BDF) ചീഫ് ഓഫ് സ്റ്റാഫ് ലെഫ്റ്റനന്റ് ജനറൽ തിയാബ് ബിൻ സഖർ അൽ നുഐമിയുമായി കൂടിക്കാഴ്ച നടത്തി ആഭ്യന്തര മന്ത്രി ജനറൽ ശൈഖ് റാഷിദ് ബിൻ അബ്ദുല്ല അൽ ഖലീഫ. പൊലിസ് മേധാവി ലെഫ്റ്റനന്റ് ജനറൽ താരിഖ് ബിൻ ഹസ്സൻ അൽ ഹസ്സനും കൂടിക്കാഴ്ചയിൽ പങ്കെടുത്തു.

ഇറാന്റെ ആക്രമണങ്ങളെത്തുടർന്നുണ്ടായ സാഹചര്യങ്ങൾ നേരിടുന്നതിൽ ബിഡിഎഫ് പ്രകടിപ്പിച്ച ഉയർന്ന തയ്യാറെടുപ്പിനെയും പോരാട്ട സന്നദ്ധതയെയും ആഭ്യന്തര മന്ത്രി പ്രശംസിച്ചു. രാജ്യത്തെ സംരക്ഷിക്കുന്നതിലും ഉത്തരവാദിത്തങ്ങൾ നിർവഹിക്കുന്നതിലും സേന കാണിച്ച കാര്യക്ഷമത അഭിനന്ദനാർഹമാണെന്ന് അദ്ദേഹം അഭിപ്രായപ്പെട്ടു.

ALSO READ: മൃഗങ്ങള്‍ക്കെതിരെയുള്ള അതിക്രമങ്ങള്‍ അറിയിക്കാനായി ബഹ്‌റൈനില്‍ പുതിയ ഹോട്ട്‌ലൈന്‍

സായുധ സേനയുടെ സുപ്രീം കമാൻഡറായ ഹമദ് ബിൻ ഈസ അൽ ഖലീഫ രാജാവിന്റെ നേതൃത്വത്തിലും, കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫയുടെ പിന്തുണയിലും ബിഡിഎഫ് വഹിക്കുന്ന നിർണ്ണായകമായ ദേശീയ പങ്ക് അദ്ദേഹം എടുത്തുപറഞ്ഞു. രാജ്യത്തിന്റെ സുരക്ഷയും സ്ഥിരതയും നിലനിർത്തുന്നതിന് ബിഡിഎഫും ആഭ്യന്തര മന്ത്രാലയവും തമ്മിലുള്ള സഹകരണം കൂടുതൽ ശക്തമാക്കുന്നതിനെക്കുറിച്ച് യോഗം അവലോകനം ചെയ്തു.

bahrain’s interior minister held a meeting with the bdf chief of staff to discuss security cooperation, coordination, and national interests, highlighting ongoing strategic collaboration.