മനാമ: കെ.എം.സി.സി ബഹ്‌റൈന്‍ ഘടകം അധ്യക്ഷന്‍ ഹബീബ് റഹ്മാന്റെ ഭാര്യ യാസീന (40) ഹൃദയാഘാതംമൂലം നിര്യാതയായി. തിങ്കളാഴ്ച പുലര്‍ച്ചെ മൂന്ന് മണിയോടെ ബഹ്‌റൈനിലെ സ്വവസതിയിലായിരുന്നു അന്ത്യം. മലപ്പുറം പെരിന്തല്‍മണ്ണ പട്ടിക്കാട് പറമ്പൂര്‍ സ്വദേശികളായ അബ്ദുസ്സമദിന്റെയും നസീമയുടെയും മകളാണ്.
ഷദ ഹബീബ്, ദിയ ഹബീബ്, ദിഫ ഹബീബ്, ദിന ഹബീബ് എന്നിവരാണ് മക്കള്‍. അജീഷ്, റജീഷ് എന്നിവര്‍ സഹോദരങ്ങളാണ്.
ബഹ്‌റൈന്‍ കെ.എം.സി.സി മയ്യിത്ത് പരിപാലന വിങ്ങിന്റെ നേതൃത്വത്തില്‍ മരണാനന്തര നടപടിക്രമങ്ങള്‍ പുരോഗമിക്കുകയാണ്. മയ്യിത്ത് നാട്ടിലെത്തിച്ച ശേഷം മറവ് ചെയ്തു. 

യാസീനയുടെ മരണത്തില്‍ കേരളത്തിലെയും പ്രവാസലോകത്തെയും നിരവധി പ്രമുഖര്‍ അനുശോചനം രേഖപ്പെടുത്തി. പാണക്കാട് സയ്യിദ് സാദിഖ് അലി ശിഹാബ് തങ്ങള്‍, പ്രതിപക്ഷ നേതാവ് വി.ഡി. സതീശന്‍, പി.കെ. കുഞ്ഞാലിക്കുട്ടി, ഡോ. എം.കെ. മുനീര്‍, സയ്യിദ് മുനവ്വറലി ശിഹാബ് തങ്ങള്‍, പാണക്കാട് സയ്യിദ് ബഷീര്‍ അലി ശിഹാബ് തങ്ങള്‍, സയ്യിദ് അബ്ബാസ് അലി ശിഹാബ് തങ്ങള്‍, ഹമീദലി ശിഹാബ് തങ്ങള്‍ തുടങ്ങിയവര്‍ ദുഃഖം രേഖപ്പെടുത്തി.

English Summary:  Yaseena (40), wife of Bahrain KMCC President Habeeb Rahman, passed away due to a heart attack at her residence in Bahrain early Monday morning. She was the daughter of Abdussamad and Naseema, natives of Pattikkad, Malappuram. The reptariation procedures are currently underway under the guidance of the KMCC Bahrain Mayyith Paripalana Wing, and the mortal remains are expected to be flown back to Kerala by this evening. She is survived by her husband, four children, and two brothers.