കോഴിക്കോട്: കോഴിക്കോട് ജില്ലയിലും ഷിഗെല്ല റിപ്പോര്‍ട്ട് ചെയ്തു. പയ്യോളി നഗരസഭയിലെ തച്ചന്‍ കുന്നിലാണ് രോഗബാധ റിപ്പോര്‍ട്ട് ചെയ്തിരിക്കുന്നത. മൂന്നു വയസ്സുകാരനാാണ് രോഗബാധയുള്ളതായി പരിശോധനയില്‍ വ്യക്തമായത്. വടകരയിലെ സ്വകാര്യാശുപത്രിയില്‍ ചികിത്സയിലായിരുന്ന കുട്ടി അപകട സാഹചര്യം മറികടന്നതായാണ് റിപ്പോര്‍ട്ട്. 

പനിയും മറ്റു ലക്ഷണങ്ങളുമുണ്ടായതിനെ തുടര്‍ന്ന് വടകര സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. ഇന്നലെയാണ് ഫലം പുറത്തു വന്നത്. കുട്ടിയെ ആശുപത്രിയില്‍ നിന്ന് ഡിസ്ചാര്‍ജ്ജ് ചെയ്തിട്ടുണ്ട്.

വയനാട്ടില്‍ ഇന്ന് ഏഴ് പേര്‍ക്ക് കൂടി ഷിഗെല്ല സ്ഥിരീകരിച്ചിരുന്നു. ഇതോടെ ഇതുവരെ ഷിഗെല്ല സ്ഥിരീകരിച്ചവരുടെ എണ്ണം 16 ആയി. കഴിഞ്ഞ ദിവസം ഒരു കുട്ടിക്ക് കൂടി ഷിഗെല്ല രോഗബാധ സ്ഥിരീകരിച്ചിരുന്നു. നെന്മേനി പഞ്ചായത്തിലെ കോളിയാടി എ.യു.പി സ്‌കൂളില്‍ നിന്ന് പനിയും വയറിളക്കവും ചര്‍ദിയും ഉണ്ടായതിനെ തുടര്‍ന്ന് ചികിത്സ തേടിയ കുട്ടിയുടെ പരിശോധനാഫലമാണ് പോസിറ്റീവായത്. ഇതോടെ ജില്ലയിലെ രോഗബാധിതരുടെ എണ്ണം ഒന്‍പതായി. 21 സാമ്പിളുകളാണ് പരിശോധനയ്ക്കായി അയച്ചിരുന്നത്. 

ALSO READ: ഷിഗെല്ല ഭീതിയില്‍ വയനാട്; ഏഴ് പേര്‍ക്ക് കൂടി സ്ഥിരീകരിച്ചു

ഷിഗെല്ല സ്ഥിരീകരിച്ചതിന്റെ പശ്ചാത്തലത്തില്‍ വയനാട് നെന്മേനി പഞ്ചായത്തില്‍ ആള്‍ക്കൂട്ടങ്ങള്‍ ചേരുന്നതിനുള്‍പ്പെടെ ജില്ലാ കലക്ടര്‍ ഡി ആര്‍ മേഘശ്രീ നിയന്ത്രണങ്ങളേര്‍പ്പെടുത്തിയിരിക്കുകയാണ്. പഞ്ചായത്ത് പരിധിയിലെ മുഴുവന്‍ പ്രദേശങ്ങളിലും ബുധനാഴ്ച മുതല്‍ ഏഴ് ദിവസത്തേക്ക് താല്‍ക്കാലിക ചന്തകള്‍, റാലികള്‍ എന്നിവ പരമാവധി ഒഴിവാക്കണമെന്നും  ഉത്തരവ് പുറപ്പെടുവിച്ചിട്ടുണ്ട്. പൊതുസ്ഥലങ്ങളിലും സ്വകാര്യ സ്ഥലങ്ങളിലും ആളുകള്‍ കൂട്ടംകൂടി നില്‍ക്കുന്നതും പരമാവധി ഒഴിവാക്കണം. വിവാഹം, മരണാനന്തര ചടങ്ങുകള്‍ എന്നിവയില്‍ കഴിവതും ആളുകളുടെ എണ്ണം നിയന്ത്രിക്കാനും നിര്‍ദ്ദേശിച്ചിട്ടുണ്ട്.  സുരക്ഷാ മാനദണ്ഡങ്ങളുടെ ഭാഗമായി മാസ്‌ക്, സാനിറ്റൈസര്‍ എന്നിവ ഉപയോഗിക്കാനും നിര്‍ദ്ദേശത്തില്‍ പറയുന്നു.

കൊല്ലം ജില്ലയില്‍ രണ്ട് വിദ്യാര്‍ഥികള്‍ക്കാണ് രോഗം സ്ഥിരീകരിച്ചിട്ടുള്ളത്. ഇവര്‍ പാരിപ്പള്ളി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. 

a three year old child from payyoli in kozhikode district has tested positive for shigella.