മുംബൈ: ഇന്ത്യന്‍ നാവിക സേനയുടെ മിസൈല്‍ വേധ കപ്പല്‍ മോര്‍മുഖാവോ 17ന് മുംബൈയില്‍ നീറ്റിലിറങ്ങും.പ്രൊജക്റ്റ് 15 ബി പ്രകാരം നിര്‍മിച്ച രണ്ടാം കപ്പലാണിത്. 

ആദ്യത്തെ കപ്പല്‍ വിശാഖപട്ടണത്ത് കഴിഞ്ഞ വര്‍ഷം ഏപ്രിലില്‍ പുറത്തിറക്കിയിരുന്നു. 2027ഓടെ 212 കപ്പലുകള്‍ സേനയുടെ ഭാഗമാക്കണമെന്നാണ് ലക്ഷ്യമെന്നും അതൊരു വലിയ വെല്ലുവിളിയാണെന്നും വൈസ് അഡ്മിറല്‍ ജി.എസ് പബി പറഞ്ഞു. അതിനായി നാം കഠിന പരിശ്രമത്തിലാണെന്നും കപ്പല്‍ നിര്‍മാണ മേല്‍നോട്ട ചുമതലയുള്ള പബി സൂചിപ്പിച്ചു. കഴിഞ്ഞവര്‍ഷം മൂന്നു യുദ്ധകപ്പലുകള്‍ ഉള്‍പ്പെടെ അഞ്ച് കപ്പലുകള്‍ സേനയുടെ ഭാഗമായിട്ടുണ്ടെന്നും അദ്ദേഹം വ്യക്തമാക്കി.