തൃക്കരിപ്പൂര്‍: മെട്ടമ്മല്‍ ബ്രദേഴ്‌സ് കവ്വായി കായലില്‍ സംഘടിപ്പിച്ച എ.പി.ജെ അബ്ദുള്‍കലാം സ്മാരക ട്രോഫിക്കു വേണ്ടിയുള്ള വള്ളംകളിയില്‍ 25 ആള്‍ തുഴയുന്ന മത്സരത്തില്‍ മംഗലശ്ശേരി നവോദയ ഒന്നാം സ്ഥാനം നേടി. എ.കെ.ജി പെടോത്തുരുത്തിക്കാണു രണ്ടാം സ്ഥാനം. 15 ആള്‍ തുഴയും മത്സരത്തില്‍ എ.കെ.ജി മയ്യിച്ച ഒന്നാം സ്ഥാനവും വയല്‍ക്കര മയ്യിച്ച രണ്ടാം സ്ഥാനവും കരസ്ഥമാക്കി. വനിതകളുടെ മത്സരത്തില്‍ എ.കെ.ജി മയ്യിച്ച, വയല്‍ക്കര മയ്യിച്ച എന്നിവ യഥാക്രമം ഒന്നും രണ്ടും സ്ഥാനങ്ങള്‍ നേടി.
റവന്യൂ മ ന്ത്രി ഇ ചന്ദ്രശേഖരന്‍ ഉദ്ഘാടനം ചെയ്തു. എം രാജഗോപാലന്‍ എം.എല്‍.എ അധ്യക്ഷനായി. ഏഴിമല നാവിക അക്കാദമി കമാന്‍ഡര്‍ കമലേഷ് കുമാര്‍, ജില്ലാ പൊലിസ് മേധാവി തോംസണ്‍ ജോസ്, ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍, തൃക്കരിപ്പൂര്‍ പഞ്ചായത്ത് പ്രസിഡന്റ് വി.പി ഫൗസിയ സംസാരിച്ചു. പി കരുണാകരന്‍ എം.പി സമ്മാനദാനം നിര്‍വഹിച്ചു.