അബുദബി: യുഎഇയിൽ വേനൽച്ചൂട് കടുക്കുന്നു. നാളെ രാജ്യത്തെ പ്രധാന നഗരങ്ങളായ അബുദബി, ദുബൈ, ഷാർജ എന്നിവിടങ്ങളിൽ താപനില 40°C വരെ ഉയരുമെന്ന് നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു. ശനിയാഴ്ച രാജ്യത്തെ ഏറ്റവും ഉയർന്ന താപനില അൽ ദഫ്ര മേഖലയിലെ ഹാമിമിൽ (43.9°C) രേഖപ്പെടുത്തിയതിന് പിന്നാലെയാണ് വരും ദിവസങ്ങളിലും ചൂട് തുടരുമെന്ന പ്രവചനം വരുന്നത്.

ഞായറാഴ്ച രാജ്യത്ത് പൊതുവെ തെളിഞ്ഞ കാലാവസ്ഥയായിരിക്കുമെങ്കിലും ചിലയിടങ്ങളിൽ ഭാഗികമായി മേഘാവൃതമായിരിക്കാൻ സാധ്യതയുണ്ട്. വടക്ക് പടിഞ്ഞാറൻ ദിശയിൽ നിന്ന് വടക്ക് കിഴക്ക് ദിശയിലേക്ക് വീശുന്ന കാറ്റിന്റെ വേഗത മണിക്കൂറിൽ 10 മുതൽ 25 കിലോമീറ്റർ വരെയായിരിക്കും. ചില സമയങ്ങളിൽ ഇത് 35 കിലോമീറ്റർ വേഗതയിൽ വരെ വീശാൻ സാധ്യതയുണ്ടെന്നും കാലാവസ്ഥാ ബുള്ളറ്റിൻ സൂചിപ്പിക്കുന്നു.

പ്രധാന നഗരങ്ങളിലെ താപനില

അബുദബി: പരമാവധി 40°C, കുറഞ്ഞത് 27°C

ദുബൈ: പരമാവധി 40°C, കുറഞ്ഞത് 27°C

ഷാർജ: പരമാവധി 40°C, കുറഞ്ഞത് 26°C

ALSO READ: ഇന്ധന പ്രതിസന്ധി: ഗൾഫ് - ഇന്ത്യ വിമാന നിരക്കുകൾ ഇനിയും വർധിച്ചേക്കും; സമീപകാലത്തെ ഏറ്റവും വലിയ പ്രതിസന്ധിയിൽ വ്യോമയാനരംഗം

അറേബ്യൻ ഗൾഫിലും ഒമാൻ കടലിലും കടൽ പൊതുവെ ശാന്തമായിരിക്കുമെങ്കിലും ചില സമയങ്ങളിൽ മിതമായ തിരമാലകൾക്ക് സാധ്യതയുണ്ട്. ചൂട് വർദ്ധിച്ചു വരുന്ന സാഹചര്യത്തിൽ ഉച്ചസമയങ്ങളിൽ പുറത്തിറങ്ങുന്നവർ ആവശ്യമായ മുൻകരുതലുകൾ സ്വീകരിക്കണമെന്ന് ആരോഗ്യവിദഗ്ധർ നിർദ്ദേശിക്കുന്നു. വരും ആഴ്ചകളിൽ താപനില ഇനിയും ഉയരാനാണ് സാധ്യതയെന്നും റിപ്പോർട്ടുകൾ സൂചിപ്പിക്കുന്നു.

uae summer heat intensifies with temperatures expected to cross 40 degrees in major cities including abu dhabi and dubai. weather authorities advise residents to stay hydrated, avoid peak sun hours, and take heat safety precautions.