മലപ്പുറം: മലപ്പുറം ജില്ലയില്‍ യു.ഡി.എഫ് തേരോട്ടം. 16 സീറ്റിലും യു.ഡി.എഫ് മുന്നേറ്റമാണ് മലപ്പുറത്ത് കാണുന്നത്. തെരഞ്ഞെടുപ്പ് പ്രചാരണ വേളയില്‍ പോലും നിരവധി വിദ്വേഷ പ്രചാരണങ്ങള്‍ക്ക് സാക്ഷ്യം വഹിച്ച ജില്ലയാണ് മലപ്പുറം. 

ALSO READ: ബത്തേരിയിലെ വോട്ട് കല്‍പ്പറ്റയില്‍, വോട്ടെണ്ണലിനിടെ വയനാട്ടില്‍ ആശയക്കുഴപ്പം; പരാതിയുമായി യുഡിഎഫ്

മലപ്പുറം ഒരു പ്രത്യേക രാജ്യമാണെന്നും പ്രത്യേകം ചിലയാളുകളുടെ സംസ്ഥാനമാണെന്നും എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പ്രസ്താവിച്ചു. മലപ്പുറത്ത് സ്വതന്ത്രമായ വായു ശ്വസിച്ചും സ്വതന്ത്രമായി അഭിപ്രായം പറഞ്ഞും ജീവിക്കാന്‍ സാധിക്കുമെന്ന് തോന്നുന്നില്ലെന്നും നടേശന്‍ പറഞ്ഞു.  ഒരു തവണയായിരുന്നില്ല വെള്ളാപ്പള്ളിയുടെ പ്രതികരണം. പ്രസ്താവനകള്‍ ഏറെ വിമര്‍ശനം ഉയര്‍ത്തിയിട്ടും വെള്ളാപ്പള്ളിയെ തള്ളാനോ തിരുത്താനോ മുഖ്യമന്ത്രി ഉള്‍പെടെ നേതാക്കള്‍ തയ്യാറായിരുന്നില്ല. മുസ്‌ലിം ലീഗിനെയാണ് വെള്ളാപ്പള്ളി വിമര്‍ശിച്ചതെന്നും സമുദായത്തെയല്ലെന്നുമായിരുന്നു എല്‍.ഡി.എഫ് നേതൃത്വം ഇതിന് നല്‍കിയ ന്യായീകരണം. 

udf leads in all 16 seats in malappuram district amid controversy over velappally natesan remarks during election campaign.