മദീന: ഹജ്ജിനായി എത്തുന്ന തീർഥാടകരെ സ്വീകരിക്കുന്നതിനുള്ള എല്ലാ ഒരുക്കങ്ങളും പൂർത്തിയായതായി മദീനയിലെ ഇസ്ലാമിക് അഫയേഴ്സ്, ദഅ്‌വ, ഗൈഡൻസ് മന്ത്രാലയം അറിയിച്ചു. തീർഥാടകർ എത്തുന്നതു മുതൽ തിരികെ പോകുന്നത് വരെയുള്ള എല്ലാ സജ്ജീകരണങ്ങളും ഒരുക്കിക്കൊണ്ട് മികച്ച അവബോധവും മാർഗനിർദേശങ്ങളും നൽകാനാണ് മന്ത്രാലയം ലക്ഷ്യമിടുന്നത്.

ALSO READ: പെർമിറ്റില്ലാതെ മക്കയിൽ പ്രവേശിക്കാൻ ശ്രമം; പത്ത് വിദേശികൾ പിടിയിൽ

തീർഥാടകരുടെ യാത്ര സുഗമമാക്കുന്നതിനും ശാന്തതയോടെ ഹജ്ജ് കർമ്മങ്ങൾ നിർവഹിക്കുന്നതിനും വിമാനത്താവളങ്ങൾ, തുറമുഖങ്ങൾ, കര അതിർത്തികൾ എന്നിവിടങ്ങളിൽ വിപുലമായ സ്വീകരണ കേന്ദ്രങ്ങളാണ് തയ്യാറാക്കിയിരിക്കുന്നത്. അത്യാധുനിക സാങ്കേതിക വിദ്യകളുടെ സഹായത്തോടെ വിവിധ ഭാഷകളിലുള്ള മാർഗനിർദേശ പ്രസിദ്ധീകരണങ്ങൾ, സ്ക്രീനുകൾ എന്നിവയും ഒരുക്കിയിട്ടുണ്ട്. സംശയങ്ങൾ ഒഴിവാക്കാനും ഹജ്ജ് നിയമങ്ങൾ വിശദീകരിച്ചു നൽകുന്നതിനുമായി തീർഥാടകർക്ക് ഏറ്റവും മികച്ച സേവനങ്ങൾ ഉറപ്പാക്കാൻ മന്ത്രാലയം പ്രതിജ്ഞാബദ്ധമാണെന്നും അധികൃതർ അറിയിച്ചു.

The Ministry of Islamic Affairs, Dawah, and Guidance in Madinah has completed all arrangements to welcome Hajj pilgrims. Extensive reception centers have been set up at airports, seaports, and land borders to provide guidance and awareness services. Using advanced technology and multilingual resources, the Ministry aims to ensure a smooth and spiritually peaceful journey for all pilgrims.