നിലമ്പൂര്‍: ഇടിമിന്നലേറ്റ് ബാറ്ററിയും വയറിങും തകരാറിലായി. നിര്‍ത്തിയിട്ട ജീപ്പ് സ്വയം സ്റ്റാര്‍ട്ടായി മുന്നോട്ട് നീങ്ങി. നിലമ്പൂര്‍ നല്ലം തണ്ണിയിലെ റിട്ട. പൊലിസ് ഉദ്യോഗസ്ഥന്‍ പുലിക്കാട്ട് വിജയന്റെ വീട്ടില്‍ ഇന്നലെ പുലര്‍ച്ചെയാണ് സംഭവം.

പുലര്‍ച്ചെ 3.15 ഓടെ മഴയും ഇടിമിന്നലും ഉള്ള സമയത്താണ് ഇടിമിന്നലില്‍ വയറിങ് ഷോര്‍ട്ട് ആയി സ്വയം സ്റ്റാര്‍ട്ടായ ജീപ്പ് മുന്നോട്ടു നീങ്ങി തെങ്ങിലിടിച്ചു നിന്നത്. ഈ സമയം വിജയന്‍ വീട്ടിലുണ്ടായിരുന്നില്ല. ജീപ്പ് സ്റ്റാര്‍ട്ടാവുന്ന ശബ്ദം കേട്ട് വീട്ടിലുണ്ടായിരുന്ന വിജയന്റെ ഭാര്യ പത്മകുമാരി മുറ്റത്ത് നോക്കിയപ്പോഴാണ് നിര്‍ത്തിയിട്ട ജീപ്പ് മുന്നോട്ട് നീങ്ങി തെങ്ങിലിടിച്ചു നില്‍ക്കുന്ന നിലയില്‍ കണ്ടത്. 

ALSO READ: വൈകിക്കിട്ടിയ നീതി; എം.എസ്.പിയിൽ ജോലിയിൽ പ്രവേശിച്ച് അനസ് എടത്തൊടിക

ബോണറ്റില്‍ നിന്നും പുക വരുന്ന നിലയിലായിരുന്നു. യാത്ര കഴിഞ്ഞെത്തിയ വിജയനും സമീപവാസികളും പരിശോധിച്ചപ്പോഴാണ് ബോണറ്റിനുള്ളില്‍ ബാറ്ററിയും വയറിങുകളും കരിഞ്ഞ നിലയില്‍ കണ്ടത്. തകരാറുകള്‍ പരിഹരിക്കാന്‍ 20,000 ത്തോളം രൂപ ചെലവുണ്ടാകുമെന്നാണ് കരുതുന്നത്

In a rare and startling incident at Nilambur, Malappuram, a parked Jeep belonging to a retired Sub-Inspector self-started and crashed after being struck by lightning. The incident occurred in the early hours at the residence of Retd. SI Vijayan.