മലപ്പുറം: പ്ലസ് വൺ ഏക ജാലകത്തിൽ അപേക്ഷ സമർപ്പണം നാളെ അവസാനിക്കാനിരിക്കെ സംസ്ഥാനത്ത് ഇതുവരെ അപേക്ഷിച്ചത് 4,32,705 വിദ്യാർഥികൾ. ഇതിൽ 4,19,518 പേരുടെ അപേക്ഷ സമർപ്പണവും പൂർത്തിയായി. കഴിഞ്ഞ 25 മുതലാണ് അപേക്ഷ സ്വീകരിച്ച് തുടങ്ങിയത്. നാളെ വൈകുന്നേരം 5 മണിവരെയാണ് അപേക്ഷിക്കാനുള്ള സമയ പരിധി.    

അപേക്ഷകരിൽ 3,93,924 പേരും എസ്.എസ്.എൽ.സി വിജയിച്ചവരാണ്. സി.ബി.എസ്.ഇ വിഭാഗത്തിൽ 17,698 പേരും, ഐ.സി.എസ്.ഇ വിഭാഗത്തിൽ 1906 പേരും മറ്റു വിഭാഗത്തിൽ 5990 പേരും അപേക്ഷരായുണ്ട്. ജില്ല മാറി അപേക്ഷിച്ചവർ 40,262 പേരാണ്. പട്ടിക ജാതി-പട്ടിക വർഗ വികസന വകുപ്പിന്റെ മോഡൽ റസിഡൻഷ്യൽ സ്‌കൂൾ വിഭാഗത്തിൽ 72,876 പേരുമാണ് രജിസ്റ്റർ ചെയ്തത്. 

അപേക്ഷകർ കൂടുതൽ മലപ്പുറവും കുറവ് വയനാട് ജില്ലയിലുമാണ്. മലപ്പുറത്ത് ഇതിനകം 78,645 അപേക്ഷകളാണ് ലഭിച്ചത്. വയനാട്ടിൽ 11,376പേരും. ഈമാസം  എട്ടിന് ട്രയൽ അലോട്ട്‌മെന്റും 15ന് ആദ്യ അലോട്ട്‌മെന്റും നടത്തും. ജൂലൈ ഒന്നിന് മൂന്ന് അലോട്ട്‌മെന്റുകൾ അടങ്ങിയ മുഖ്യഅലോട്ട്‌മെന്റ് ഘട്ടം പൂർത്തിയാക്കും. ജൂലൈ രണ്ടിന് പ്ലസ് വൺ ക്ലാസുകൾ തുടങ്ങും. 

The online application process for Plus One admission through the single-window system (Ekajalakom) will close tomorrow.