ചെന്നൈ: തമിഴ്‌നാട് നിയമസഭാ തെരഞ്ഞെടുപ്പിൽ ഏറ്റവും വലിയ ഒറ്റക്കക്ഷിയായിട്ടും സർക്കാർ രൂപീകരിക്കാനാവാതെ വിജയിയുടെ തമിഴക വെട്രി കഴകം (ടി.വി.കെ) പ്രതിസന്ധിയിൽ. ഭൂരിപക്ഷം തെളിയിക്കാനാവാത്ത സാഹചര്യത്തിൽ വിജയിയെ വിമർശിച്ചും ഉപദേശിച്ചും ഭരണകക്ഷിയായ ഡി.എം.കെ രംഗത്തെത്തി. "ആദ്യം പിന്തുണ നേടൂ, എന്നിട്ട് ഗവർണറെ സമീപിക്കൂ" എന്ന് ഡി.എം.കെ നേതാവ് ടി.കെ.എസ്. ഇളങ്കോവൻ പരിഹസിച്ചു.

234 അംഗ സഭയിൽ കേവല ഭൂരിപക്ഷത്തിന് 118 സീറ്റുകളാണ് വേണ്ടത്. 108 സീറ്റുകൾ നേടിയ ടി.വി.കെക്ക് ഇതുവരെ ആ സംഖ്യ തികയ്ക്കാനായിട്ടില്ല. കൃത്യമായ പിന്തുണ ഉറപ്പാക്കാതെ ഗവർണറെ സമീപിച്ചതാണ് തിരിച്ചടിയായതെന്ന് ഇളങ്കോവൻ ചൂണ്ടിക്കാട്ടി.

ALSO READ: ഭരണം ഉറപ്പിക്കാൻ രണ്ട് സീറ്റുകൾ : വിസികെയുടെ പിന്തുണ തേടി വിജയ്, പകരം ഉപമുഖ്യമന്ത്രി സ്ഥാനം ചോദിച്ച് തിരുമാവളവൻ

ഏറ്റവും വലിയ ഒറ്റക്കക്ഷിയെന്ന നിലയിൽ ആദ്യം ഗവർണറെ കണ്ടിരുന്നെങ്കിൽ അദ്ദേഹത്തിന് വിജയിയെ സർക്കാർ രൂപീകരിക്കാൻ ക്ഷണിക്കാമായിരുന്നു. എന്നാൽ മറ്റു പാർട്ടികളുടെ പിന്തുണയുണ്ടെന്ന് അവകാശപ്പെട്ട് 112 എന്ന സംഖ്യയുമായി ചെന്നപ്പോൾ, ഭൂരിപക്ഷമില്ലെന്ന് ഗവർണർക്ക് ഉറപ്പായി. ഇതോടെ സ്വാഭാവികമായും കേവല ഭൂരിപക്ഷം തെളിയിക്കാൻ അദ്ദേഹം ആവശ്യപ്പെട്ടു," ഇളങ്കോവൻ വ്യക്തമാക്കി.

പിന്തുണ കത്തിൽ 'വ്യാജ' വിവാദം

ടി.വി.കെ ഗവർണർക്ക് നൽകിയ പിന്തുണക്കത്തുകളിൽ ഒന്ന് വ്യാജമാണെന്ന ആരോപണവുമായി എ.എം.എം.കെ നേതാവ് ടി.ടി.വി. ദിനകരൻ രംഗത്തെത്തിയത് നാടകീയ രംഗങ്ങൾക്ക് വഴിവെച്ചു. തന്റെ പാർട്ടിയുടെ ഏക എം.എൽ.എയായ കാമരാജിന്റെ ഒപ്പ് വ്യാജമായി ഇട്ടതാണെന്ന് ദിനകരൻ ആരോപിച്ചു. എന്നാൽ, കാമരാജ് പിന്തുണക്കത്തിൽ ഒപ്പിടുന്ന വീഡിയോ പുറത്തുവിട്ട് ടി.വി.കെ ഈ ആരോപണത്തെ പ്രതിരോധിച്ചു.

മുന്നണിയിൽ ആശയക്കുഴപ്പം

കോൺഗ്രസ് (5), സി.പി.ഐ (2), സി.പി.എം (2) എന്നീ പാർട്ടികൾ വിജയിക്ക് പിന്തുണ പ്രഖ്യാപിച്ചിട്ടുണ്ട്. എന്നാൽ 4 സീറ്റുകളുള്ള വി.സി.കെ ഇതുവരെ ഔദ്യോഗിക നിലപാട് വ്യക്തമാക്കിയിട്ടില്ല. നിലവിൽ 116 പേരുടെ പിന്തുണ മാത്രമേ വിജയിക്ക് ഉറപ്പിക്കാനായിട്ടുള്ളൂ. ഇതിനിടെ, തെരഞ്ഞെടുപ്പ് അട്ടിമറിക്കാൻ ഗവർണറുടെ സഹായത്തോടെ ബി.ജെ.പി ശ്രമിക്കുന്നു എന്ന ആരോപണവും ടി.വി.കെ കേന്ദ്രങ്ങൾ ഉയർത്തുന്നുണ്ട്.

പുതിയ രാഷ്ട്രീയ സമവാക്യങ്ങൾ?

അനിശ്ചിതത്വം തുടരുന്നതിനിടെ, തമിഴ് രാഷ്ട്രീയത്തിലെ ബദ്ധവൈരികളായ ഡി.എം.കെയും എ.ഐ.എ.ഡി.എം.കെയും കൈകോർത്ത് സർക്കാർ രൂപീകരിക്കാൻ ശ്രമിക്കുന്നതായും അഭ്യൂഹങ്ങളുണ്ട്. ഇത് യാഥാർത്ഥ്യമായാൽ അത് തമിഴ്‌നാട് രാഷ്ട്രീയത്തിലെ പുതിയൊരു അധ്യായത്തിന് തുടക്കമിടും.

വിജയിയുടെ രാഷ്ട്രീയ പ്രവേശനം വൻ തരംഗമായെങ്കിലും സഭയിൽ ഭൂരിപക്ഷം തെളിയിക്കുക എന്നത് 'ദളപതി'ക്ക് വലിയ വെല്ലുവിളിയായി തുടരുകയാണ്.

The DMK has criticized Vijay, the leader of Tamilaga Vettri Kazhagam (TVK), for failing to secure a majority despite being the single largest party. DMK leader T.K.S.