തിരുവനന്തപുരം: ജോലി വാഗ്ദാനം ചെയ്ത് ഒറ്റപ്പാലം സ്വദേശിനിയെ ബലാത്സംഗം ചെയ്ത കേസില്‍ സിപിഎം ബ്രാഞ്ച് സെക്രട്ടറിയെക്കൂടാതെ ഒരു യുവതി കൂടി പിടിയില്‍. ആലപ്പുഴ പേരൂര്‍, മാന്നാര്‍ സ്വദേശിനി അശ്വതി (22)യാണ് അറസ്റ്റിലായത്. യുവതിയെ കഴക്കൂട്ടത്തെ സ്പായില്‍ എത്തിച്ചത് അശ്വതിയാണെന്നാണ് കണ്ടെത്തല്‍.

ജോലി വാഗ്ദാനം ചെയ്ത് യുവതിയെ കഴക്കൂട്ടത്തെ സ്പായില്‍ എത്തിച്ച് പീഡനത്തിനിരയാക്കിയെന്നാണ് കേസ്. സംഭവത്തില്‍ കല്‍പന ബ്രാഞ്ച് സെക്രട്ടറിയും, ഡി.വൈ.എഫ്.ഐ മേഖല സെക്രട്ടറിയുമായ കഠിനംകുളം ഫാത്തിമപുരത്ത് ജിപ്‌സന്‍ (35)നെ പൊലിസ് അറസ്റ്റ് ചെയ്തിരുന്നു. 

പ്രതികള്‍ മുന്‍കൂട്ടി നിശ്ചയിച്ചിരുന്ന പ്രകാരം അശ്വതിയാണ് യുവതിയെ തിരുവനന്തപുരത്തെത്തിച്ചത്. അവിടെ വെച്ച് മൂന്നാം പ്രതിയായ ജിപ്‌സന്‍ ബലാത്സംഗം നടത്താന്‍ ശ്രമിക്കുകയായിരുന്നു. ഓടി രക്ഷപ്പെടാന്‍ ശ്രമിച്ച യുവതിയെ ഉപദ്രവിച്ചെന്നുമാണ് കേസ്. അവിടെ നിന്ന് രക്ഷപ്പെട്ട യുവതി ബന്ധുവീട്ടിലെത്തുകയും, ഭര്‍ത്താവിനെ വിവരം അറിയിക്കുകയുമായിരുന്നു. തുടര്‍ന്നാണ് പൊലിസില്‍ പരാതി നല്‍കിയത്. 

ALSO READ: സ്വർണം നൽകിയില്ലെങ്കിൽ ബന്ധം ഉപേക്ഷിക്കുമെന്ന് ഭീഷണി; യുവതിയിൽ നിന്ന് 6 പവൻ തട്ടിയെടുത്ത യുവാവ് പിടിയിൽ