അങ്കമാലി: വീട്ടില്‍ അതിക്രമിച്ചു കയറി പതിനാറുകാരിയായ മാനസിക വെല്ലുവിളി നേരിടുന്ന പെണ്‍കുട്ടിയെ പീഡിപ്പിച്ചു. അങ്കമാലിയിലാണ് സംഭവം.  ഉത്തര്‍പ്രദേശ് സ്വദേശിയെ അങ്കമാലി പൊലിസ് അറസ്റ്റ് ചെയ്തു. യു.പി സ്വദേശിയായ രാജേഷിനെയാണ് പിടികൂടിയത്. ശനിയാഴ്ച ഉച്ചയോടെയായിരുന്നു നാടിനെ നടുക്കിയ സംഭവം. 

 പെണ്‍കുട്ടിയുടെ വീട്ടില്‍ മറ്റാരും ഇല്ലാത്ത സമയം നോക്കിയാണ് ഇയാള്‍ വീട്ടില്‍ അതിക്രമിച്ചു കയറിയത്.   കുട്ടിയുടെ വീടിന് സമീപത്താണ് ഇയാള്‍ താമസിക്കുന്നത്. അതിനാല്‍  ഇയാള്‍ക്ക് വീട്ടുകാരെക്കുറിച്ചും പരിസരത്തെക്കുറിച്ചും വ്യക്തമായ ധാരണയുണ്ടായിരുന്നു. സ്ഥിരമായി ഈ വീട് ഇയാള്‍ നിരീക്ഷിച്ചിരുന്നുവെന്നും പൊലിസ് പറഞ്ഞു. അതിനാല്‍ വീട്ടില്‍ ആരുമില്ലെന്ന് ഇയാള്‍ക്ക് അറിയാമായിരുന്നുവെന്നും പൊലിസ് പറഞ്ഞു.

ALSO READ: ഏരിയാ കമ്മിറ്റിയംഗത്തെ തരംതാഴ്ത്തിയതില്‍ പ്രതിഷേധിച്ച് പാലക്കാട് സി.പി.എമ്മില്‍ കൂട്ടരാജി, പാര്‍ട്ടി വിട്ടത് 24 ഓളം പേര്‍

പീഡനശ്രമത്തിനിടെ പെണ്‍കുട്ടി ഇറക്കെ നിലവിളിച്ചു. നിലവിളി കേട്ടെത്തിയ അയല്‍വാസികളും നാട്ടുകാരും ചേര്‍ന്ന് വീട് വളഞ്ഞ് പ്രതിയെ പിടികൂടുകയായിരുന്നു. പിന്നാലെ നാട്ടുകാര്‍ പൊലിസിനെ വിവരമറിയിച്ചു. അങ്കമാലി പൊലിസ് സ്ഥലത്തെത്തി പ്രതിയുടെ അറസ്റ്റ് രേഖപ്പെടുത്തി. സംഭവത്തില്‍ കേസെടുത്ത് അന്വേഷണം ഊര്‍ജ്ജിതമാക്കിയിരിക്കുകയാണ്. 

പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്യുമെന്ന് പൊലിസ് അറിയിച്ചു. പെണ്‍കുട്ടിക്ക് ആവശ്യമായ വൈദ്യസഹായവും കൗണ്‍സിലിങും ലഭ്യമാക്കുമെന്നും അധികൃതര്‍ പറഞ്ഞു.