തിരുവനന്തപുരം: ആശങ്കകൾക്ക് വിരാമം. എസ്.എസ്.എൽ.സി പരീക്ഷാ ഫലം നാളെത്തന്നെ പ്രഖ്യാപിക്കും. ഇന്നലെ വൈകിട്ട് ചേർന്ന് പരീക്ഷാ ബോർഡ് യോഗമാണ് അന്തിമ തീരുമാനമെടുത്തത്. പൊതു വിദ്യാഭ്യാസ ഡയരക്ടറും പ്രിൻസിപ്പൽ സെക്രട്ടറിയും ചേർന്ന് നാളെ ഉച്ചയ്ക്ക് ശേഷം ഫലംപ്രഖ്യാപിക്കും. സാധാരണ വിദ്യാഭ്യാസ മന്ത്രിയാണ് ഫലം പ്രഖ്യാപിക്കുക. എന്നാൽ പുതിയ സർക്കാർ രൂപീകരിക്കാത്ത പശ്ചാത്തലത്തിലാണ് ഉദ്യോഗസ്ഥർ ഫലം പ്രഖ്യാപിക്കുന്നത്.  

ALSO READ: 10 ദിവസത്തെ കാത്തിരിപ്പ്; മുഖ്യമന്ത്രിയെ ഇന്ന് പ്രഖ്യാപിക്കുമെന്ന് കോൺഗ്രസ്

പുതിയ സർക്കാർ അധികാരമേറ്റെടുക്കാത്തതു കൊണ്ടുതന്നെ ഫലപ്രഖ്യാപനം എന്നു നടക്കുമെന്ന കാര്യത്തിൽ അനിശ്ചിതത്വം ഉണ്ടായിരുന്നു. നാളെത്തന്നെ ഫലപ്രഖ്യാപനം നടത്തണമെന്ന് അധ്യാപക സംഘടനകൾ ആവശ്യപ്പെട്ടിരുന്നു. പ്രഖ്യാപനം വൈകിയാൽ പ്രവേശനം അടക്കം തുടർനടപടികളെ ബാധിക്കുമെന്ന് സംഘടനകൾ വ്യക്തമാക്കിയിരുന്നു. എസ്.എസ്.എൽ.സി ഫലം പ്രഖ്യാപിക്കുന്നതിന് ചീഫ് സെക്രട്ടറി അനുമതി നൽകിയിട്ടുണ്ട്. 

ALSO READ: കരിപ്പൂർ വിമാനത്താവളത്തിലെ പാർക്കിങ് ഫീസ് നിയമപരം; പരാതി തള്ളി മനുഷ്യാവകാശ കമ്മിഷൻ

പരീക്ഷാഫലം സംസ്ഥാന സർക്കാരിന്റെ ഏകീകൃത സേവന പ്ലാറ്റ്ഫോമായ 'നമ്മുടെ കേരളം' ആപ്പിലൂടെയും ലഭ്യമാകും. ഗൂഗിൾ പ്ലേ സ്റ്റോറിൽനിന്നോ ആപ്പിൾ ആപ്പ് സ്റ്റോറിൽ നിന്നോ 'നമ്മുടെ കേരളം ' ആപ്പ് ഡൗൺലോഡ് ചെയ്യാം.

The period of waiting and anxiety for students has come to an end as the official date for the SSLC exam results is confirmed. After much anticipation, the authorities have announced that the results will be released tomorrow, bringing clarity to thousands of candidates across the state.