തിരുവല്ല: തിരുവല്ല-കായംകുളം സംസ്ഥാന പാതയിലെ പുളിക്കീഴില്‍ ബസും ലോറിയും കൂട്ടിയിടിച്ച് ലോറി ഡ്രൈവര്‍ക്ക് ദാരുണാന്ത്യം. കോട്ടയം കുറിച്ചി സ്വദേശി സന്ദീപ് (30) ആണ് മരിച്ചത്. അപകടത്തില്‍ ബസ് യാത്രക്കാരായ 21 പേര്‍ക്ക് പരുക്കേറ്റു. 

ഇന്ന് ഉച്ചയ്ക്ക് 12.30 ഓടെയാണ് അപകടമുണ്ടായത്. പൊടിയാടി ജങ്ഷനും പുളുകിഴ് പാലത്തിനും ഇടയിലായാണ് അപകടമുണ്ടായത്. തിരുവല്ല ഭാഗത്തുനിന്നും കായംകുളത്തേക്ക് പോയ ബസും എതിര്‍ദിശയില്‍ നിന്ന് വന്ന ലോറിയുമാണ് കൂട്ടിയിടിച്ചത്. ഡ്രൈവര്‍ ക്യാബിനില്‍ കുടുങ്ങിപ്പോയിരുന്നു. ക്യാബിന്‍ വെട്ടിപ്പൊളിച്ചാണ് ഇയാളെ പുറത്തെടുത്തത്. ഉടന്‍ തന്നെ അടുത്തുള്ള ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചിരുന്നു. 

പരുക്കേറ്റവരെ തിരുവല്ല താലൂക്ക് ആശുപത്രിയില്‍ പ്രവേശിപ്പിച്ചു. ആരുടേയും പരുക്ക് ഗുരുതരമല്ല. 

A tragic road accident occurred in Thiruvalla after a bus and a lorry collided, resulting in the death of the lorry driver. At least 21 people were reportedly injured in the crash and were rushed to nearby hospitals for treatment. Police and rescue teams quickly reached the spot and initiated emergency operations. Further investigation into the cause of the accident is underway.