ശ്രീകണ്ഠാപുരം: കണ്ണൂര്‍ വളക്കൈയില്‍ ഓടിക്കൊണ്ടിരുന്ന സ്വകാര്യ ബസിന് തീപിടിച്ചു. ശ്രീകണ്ഠാപുരത്ത്‌നിന്ന് തളിപറമ്പിലേക്ക് പോകുന്നതിനിടെയാണ് സംഭവം നടന്നത്. എന്‍ജിന്റെ ഭാഗത്തുനിന്ന് പുക ഉയരുന്നത് ശ്രദ്ധയില്‍പെട്ടയുടന്‍ യാത്രക്കാരെല്ലാം പുറത്തിറങ്ങിയതിനാല്‍ ആരും പരുക്കേല്‍ക്കാതെ രക്ഷപ്പെട്ടു. 

ബസ്സിന്റെ മുന്‍ഭാഗത്താണ് തീപ്പിടിച്ചത്. പിന്നാലെ തീ വാഹനം മുഴുവന്‍ പടര്‍ന്നു. ബസ് പൂര്‍ണമായും കത്തി നശിച്ചു. തളിപ്പറമ്പില്‍ നിന്ന് അഗ്നിരക്ഷാസേനയെത്തിയാണ് തീയണച്ചത്. ഷോര്‍ട്ട് സര്‍ക്ക്യൂട്ടാണ് തീപിടിത്തത്തിന് കാരണമെന്നാണ് സൂചന.