റിയാദ്: അമേരിക്കയിലെ അരിസോണയിൽ നടക്കുന്ന ലോകത്തിലെ ഏറ്റവും വലിയ ശാസ്ത്ര-എൻജിനീയറിങ് മേളയായ 'റീജനറേഷൻ ഇന്റർനാഷനൽ സയൻസ് ആൻഡ് എൻജിനീയറിങ് ഫെയറിൽ' സഊദി വിദ്യാർഥികൾക്ക് മികച്ച നേട്ടം. മത്സരത്തിൽ 12 സ്പെഷ്യൽ അവാർഡുകളാണ് സഊദി വിദ്യാർഥികൾ സ്വന്തമാക്കിയത്. മത്സരത്തിന്റെ ഗ്രാൻഡ് അവാർഡുകൾ പ്രഖ്യാപിക്കാനിരിക്കെയാണ് ഈ നേട്ടം. 70 രാജ്യങ്ങളിൽ നിന്നുള്ള 1,700ലധികം വിദ്യാർഥികളെ കടത്തിവെട്ടിയാണ് ഈ നേട്ടം കൊയ്തത്. മാസൻ മുഹമ്മദ് അമീർ മുറാദ്: ട്രാൻസ്ലേഷനൽ മെഡിക്കൽ സയൻസ്, അൽ-ജൗഹറ ഫൈസൽ ബിൻ സുറാഅ: കെമിസ്ട്രി, ജന ഇബ്രാഹിം അൽ-ദോസരി: എനർജി, ഷൈമ അൽ-ഖതാത്നി: എൻവയോൺമെന്റൽ എൻജിനീയറിങ്, ലാന അബ്ദുല്ല അബു താലിബ്: എനർജി വിഭാഗത്തിൽ രണ്ട് സ്പെഷ്യൽ അവാർഡുകൾ, ലാന വസീം അൽ-അക്കാദ്: എംബഡഡ് സിസ്റ്റംസ്, നൂർ ഫൈസൽ അൽ-ഒതൈബി: മെറ്റീരിയൽ സയൻസ്, ഫാത്തിമ ഹുസൈൻ അൽ-മുഖ്രിൻ: എൻവയോൺമെന്റൽ എൻജിനീയറിങ്, ലിൻ മഹ്മൂദ് അൽ-നബുൾസി: എൻവയോൺമെന്റൽ എഞ്ചിനീയറിങ്, ജന ഇഹാബ് ഹർസാനി: കമ്പ്യൂട്ടേഷണൽ ബയോളജി, തമീം ഇബ്രാഹിം ഖാൻ: മൈക്രോബയോളജി തുടങ്ങിയവരാണ് ജേതാക്കൾ.

ALSO READ: അൽ-ഹദീസ അതിർത്തിയിൽ ലഹരിമരുന്ന് വേട്ട; നാല് ലക്ഷത്തിലധികം ആംഫെറ്റാമൈൻ ഗുളികകൾ പിടികൂടി

മൗഹിബ, സഊദി വിദ്യാഭ്യാസ മന്ത്രാലയം എന്നിവയുടെ ആഭിമുഖ്യത്തിലാണ് സഊദി ടീം മത്സരത്തിൽ പങ്കെടുത്തത്. 23 പേർ നേരിട്ടും 17 പേർ ഓൺലൈൻ വഴിയുമാണ് പദ്ധതികൾ അവതരിപ്പിച്ചത്. 2007 തൊട്ട് സഊദി ഐസെഫിൽ പങ്കെടുത്ത മുതൽ ശ്രദ്ധേയമായ നേട്ടങ്ങളാണ് രാജ്യം കൈവരിച്ചുകൊണ്ടിരിക്കുന്നത്. ലോകോത്തര ശാസ്ത്രജ്ഞരും വിദഗ്ധരും അടങ്ങുന്ന ജൂറിയാണ് പദ്ധതികളുടെ മൂല്യം വിലയിരുത്തുന്നത്.

Saudi students achieve a major milestone at the 2026 Regeneron International Science and Engineering Fair (ISEF) in Arizona, winning 12 special awards across various scientific fields, including chemistry, energy, and medical science.