കോഴിക്കോട്: വടകര വില്യാപ്പള്ളിയിൽ ബംഗാൾ സ്വദേശികളായ രണ്ട് പെൺകുട്ടികളെ കാണാതായി. ഞായറാഴ്ച പുലർച്ചെ മുതലാണ് ഇവരെ കാണാതായത്.

മയ്യന്നൂർ പുത്തലത്ത് താഴകുനി വീട്ടിൽ വാടകയ്ക്ക് താമസിക്കുന്ന സാബി ഷെയ്ക്കിന്റെ മകൾ നർഗീസ് ഖാത്തൂൻ (12), ബന്ധുവായ രശ്മി മോനി (16) എന്നിവരെയാണ് കാണാതായത്. വെസ്റ്റ് ബംഗാളിലെ ഹുഗ്ലി ജില്ലയിലെ പാണ്ടുവ സിംലാഗർ ചമ്പഹാത്തി സ്വദേശികളാണ് ഈ കുടുംബം.

ALSO READ: ഇന്ധനവില വർധന: കെനിയയിൽ ആളിക്കത്തി പ്രതിഷേധം; 4 മരണം, രാജ്യവ്യാപക ഗതാഗത പണിമുടക്ക് താൽക്കാലികമായി പിൻവലിച്ചു

ശനിയാഴ്ച രാത്രി രക്ഷിതാക്കൾക്കൊപ്പം ഉറങ്ങാൻ കിടന്ന ഇരുവരെയും ഞായറാഴ്ച പുലർച്ചെ ഒരു മണിക്കും ആറ് മണിക്കും ഇടയിലാണ് കാണാതാകുന്നത്. രാവിലെ കുട്ടികളെ കാണാതായതോടെ ബന്ധുക്കൾ വടകര പൊലിസിൽ പരാതി നൽകി. കാണാതായ പെൺകുട്ടികളുടെ മൊബൈൽ ഫോൺ ലൊക്കേഷൻ പരിശോധിച്ച പൊലിസ്, അന്വേഷണം ഡൽഹിയിലേക്ക് വ്യാപിപ്പിച്ചിട്ടുണ്ട്.