തിരുവനന്തപുരം: സംസ്ഥാനത്ത് വര്‍ധിച്ചുവരുന്ന ലഹരിമാഫിയക്കെതിരെ 'ഓപ്പറേഷന്‍ തൂഫാന്‍' പദ്ധതി ആരംഭിച്ചതായി ആഭ്യന്തര മന്ത്രി രമേശ് ചെന്നിത്തല. തിരുവനന്തപുരത്ത് നടത്തിയ വാര്‍ത്താസമ്മേളനത്തിലായിരുന്നു പ്രഖ്യാപനം.

സ്‌കൂള്‍ പരിസരങ്ങളെ കേന്ദ്രീകരിച്ച് പുകയിലയും മയക്കുമരുന്നും വില്‍ക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും മന്ത്രി വ്യക്തമാക്കി. ജൂണ്‍ ഒന്നുമുതല്‍ സംസ്ഥാന വ്യാപകമായി 'ഓപ്പറേഷന്‍ തൂഫാന്‍' ആരംഭിക്കുമെന്നും അദ്ദേഹം പറഞ്ഞു.

പൊലിസ് സ്റ്റേഷനുകളെ  ജനസേവന കേന്ദ്രങ്ങളാക്കി മാറ്റുന്നതിനുള്ള നടപടികള്‍ സ്വീകരിക്കും. 484 പൊലിസ് സ്റ്റേഷനിലും സമൂലമായ മാറ്റം വരുത്തും. ആരു ചെന്നാലും ഗുഡ് മോണിംഗ് പറഞ്ഞ് സ്വീകരിക്കും. സ്റ്റേഷനുകള്‍ വൃത്തിയാക്കും. സ്റ്റേഷനുകളില്‍ കെട്ടിക്കിടക്കുന്ന പഴയ വാഹനങ്ങള്‍ നീക്കം ചെയ്ത് പൊതുജനങ്ങള്‍ക്ക് കൂടുതല്‍ സൗകര്യപ്രദമായ സംവിധാനങ്ങള്‍ ഒരുക്കുമെന്നും അദ്ദേഹം കൂട്ടിച്ചേര്‍ത്തു.

നിയമത്തെ വെല്ലുവിളിക്കുന്ന ആരെയും വെറുതെ വിടില്ല. സ്ത്രീകള്‍ക്കും കുട്ടികള്‍ക്കും എതിരെ പ്രവര്‍ത്തിക്കുന്നവര്‍ക്കെതിരെ ശക്തമായി നടപടി സ്വീകരിക്കും. ജനമൈത്രി പൊലിസ് ശക്തമാക്കും. പൊലിസ് ട്രെയിനിങ് സിലബസ് പരിഷ്‌കരിക്കും. സൈബര്‍ ക്രൈം നേരിടാന്‍ പ്രത്യേകം പദ്ധതിയുണ്ടാക്കുമെന്നും രമേശ് ചെന്നിത്തല പറഞ്ഞു. 

The Kerala government is set to intensify its crackdown against drug mafias through a major state-wide initiative named ‘Operation Toofan,’ beginning June 1. The operation aims to strengthen coordinated action against narcotics networks and illegal drug distribution across the state.