കോഴിക്കോട്: തരംപോലെ കള്ളം പറഞ്ഞും നിരുത്തരവാദ പ്രസ്താവനകള്‍ നടത്തിയും ജനപക്ഷവാദിയുടെ പരിവേഷമണിഞ്ഞു നടന്ന പഴയ പ്രതിപക്ഷ നേതാവല്ല താനെന്ന കാര്യം മുഖ്യമന്ത്രി വി.ഡി സതീശന്‍ മറക്കരുതെന്ന് നാഷണല്‍ ലീഗ് സംസ്ഥാന കമ്മിറ്റി ഓര്‍മ്മിപ്പിച്ചു. മുനമ്പം വഖഫ് ഭൂമി വിവാദവുമായി ബന്ധപ്പെട്ട് മുഖ്യമന്ത്രി നടത്തിയ പ്രസ്താവന തെറ്റുദ്ധാരണാജനകവും സമൂഹത്തില്‍ വിഭാഗീയത സൃഷ്ടിക്കാനുതകുന്നതുമാണ്.

രാജ്യത്തെ നിലവിലുള്ള നിയമ വ്യവസ്ഥകള്‍ക്കനുസൃതമായി നിലവില്‍ വന്നതും പ്രവര്‍ത്തിച്ചു പോരുന്നതുമായ വഖഫ് ബോര്‍ഡിനെ ഒരു രാഷ്ട്രീയ സംവിധാനമെന്ന പോലെ കാണുന്നതും ആക്ഷേപിക്കുന്നതും മുഖ്യമന്ത്രിയുടെ പദവിക്കും അന്തസ്സിനും നിരക്കാത്ത നടപടിയാണ്. അധികാരമേറ്റാല്‍ പത്ത് മിനുട്ട് കൊണ്ട് പ്രശ്‌നം തീര്‍ക്കുമെന്ന് ഗീര്‍വാണം നടത്തിയ മുഖ്യമന്ത്രി വിലകുറഞ്ഞ പ്രസ്താവനകള്‍ നടത്തി പ്രശ്‌നത്തില്‍ നിന്ന് തടിയൂരാന്‍ നോക്കുകയാണെന്ന് നാഷണല്‍ ലീഗ് കുറ്റപ്പെടുത്തി.

അന്യായമായ ഇടപെടലുകളിലൂടെ വഖഫ് ബോര്‍ഡിന്റെ പ്രവര്‍ത്തനങ്ങളെ തടസ്സപ്പെടുത്തുകയോ, രാഷ്ട്രീയ വിരോധം വെച്ച് പകപോക്കല്‍ നടപടികള്‍ക്ക് തുനിയുകയോ ചെയ്താല്‍ ശക്തമായ പ്രതിഷേധത്തെ നേരിടേണ്ടി വരുമെന്നും നാഷണല്‍ ലീഗ് ഓര്‍മ്മിപ്പിച്ചു.

The National League has urged the Chief Minister not to create divisions among people through political statements or actions. The party emphasized the need to maintain communal harmony and social unity, warning against attempts that could increase polarization in society.