തൃശൂര്‍: കാട്ടാന ആക്രമണങ്ങളില്‍ പ്രതിഷേധിച്ച് അതിരപ്പിള്ളി പഞ്ചായത്തില്‍ ഇന്ന് ജനകീയ ഹര്‍ത്താല്‍. രാവിലെ 10 മണിക്ക് ചാലക്കുടി ആനമല അന്തര്‍സംസ്ഥാന പാത ഉപരോധിക്കാനാണ് തീരുമാനം. 

അതിരപ്പിള്ളിയില്‍ കാട്ടാന ആക്രമണത്തില്‍ ഒരാള്‍  കൊല്ലപ്പെട്ടിരുന്നു. വൈശേരി സ്വദേശി മോഹനന്‍ (65) ആണ് മരിച്ചത്. ഇന്ന് പുലര്‍ച്ചെ 2.30ഓടെയായിരുന്നു സംഭവം. വീട്ടുപറമ്പില്‍ കൃഷി നശിപ്പിക്കാനെത്തിയ കാട്ടാനയെ ഓടിക്കാന്‍ ശ്രമിക്കുന്നതിനിടെയാണ് മോഹനനെ ആന ആക്രമിച്ചത്. കാട്ടാന ചവിട്ടിക്കൊല്ലുകയായിരുന്നു. ഗുരുതരമായി പരുക്കേറ്റ മോഹനനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. 

ALSO READ: പ്ലസ് വൺ ഏകജാലകം: സംസ്ഥാനത്ത് ഇതുവരെ 3.75 ലക്ഷം അപേക്ഷകൾ 

മൃതദേഹം ചാലക്കുടിയിലെ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്. കാട്ടാന ശല്യം രൂക്ഷമായ മേഖലയാണ് വൈശേരി. കഴിഞ്ഞ ദിവസവും മോഹനന്റെ വീട്ടുവളപ്പില്‍ കാട്ടാന ഇറങ്ങി വ്യാപകമായി കൃഷിനാശം വരുത്തിയിരുന്നു.
അതിരപ്പിള്ളി മേഖലയിലെ കാട്ടാന ആക്രമണങ്ങളില്‍ ആശങ്ക ശക്തമാകുന്നതിനിടെയാണ് വീണ്ടും ഒരു ജീവന്‍ കൂടി നഷ്ടമായത്. കഴിഞ്ഞ ദിവസങ്ങളില്‍ നടന്ന ആക്രമണങ്ങളില്‍ നിരവധി പേര്‍ക്ക് ജീവന്‍ നഷ്ടമായിരുന്നു.

a people’s hartal has been called in athirappilly following the death of a 65-year-old man in a wild elephant attack. protesters plan to block the chalakudy-anamalai interstate road, demanding urgent measures to address the increasing human-wildlife conflict in the region.