ദുബൈ: ഹിജ്റ പുതുവർഷാരംഭത്തോടനുബന്ധിച്ച് ദുബൈയിലെ സ്കൂളുകൾക്കും സർവ്വകലാശാലകൾക്കും നഴ്സറികൾക്കും ജൂൺ 15 തിങ്കളാഴ്ച അവധി പ്രഖ്യാപിച്ചു. ദുബൈ നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി (KHDA) ആണ് ഇക്കാര്യം ഔദ്യോഗികമായി അറിയിച്ചത്. അവധിക്ക് ശേഷം ജൂൺ 16 ചൊവ്വാഴ്ച മുതൽ വിദ്യാഭ്യാസ സ്ഥാപനങ്ങൾ സാധാരണ രീതിയിൽ പ്രവർത്തിച്ചുതുടങ്ങും.

യുഎഇയിലെ പൊതു-സ്വകാര്യ മേഖലകൾക്ക് ജൂൺ 15 തിങ്കളാഴ്ച ഔദ്യോഗിക അവധിയായിരിക്കുമെന്ന് ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്‌സസും (FAHR) മാനവ വിഭവശേഷി സ്വദേശിവൽക്കരണ മന്ത്രാലയവും (MoHRE) നേരത്തെ പ്രഖ്യാപിച്ചിരുന്നു. ഇതിന് പിന്നാലെയാണ് വിദ്യാഭ്യാസ സ്ഥാപനങ്ങൾക്കുള്ള അവധിയും സ്ഥിരീകരിച്ചത്. യുഎഇ കാബിനറ്റ് അംഗീകരിച്ച 2026 ലെ ഔദ്യോഗിക അവധിദിനങ്ങളുടെ പട്ടിക പ്രകാരമാണ് തീരുമാനം. ശനി, ഞായർ ദിവസങ്ങളിൽ വാരാന്ത്യ അവധി ലഭിക്കുന്ന ദുബൈയിലെ വിദ്യാർത്ഥികൾക്കും അധ്യാപകർക്കും ജീവനക്കാർക്കും തിങ്കളാഴ്ചത്തെ അവധി കൂടി ചേരുന്നതോടെ മൂന്ന് ദിവസത്തെ ലോങ് വീക്കെൻഡ് ആസ്വദിക്കാം.

ഷാർജയിൽ നാല് ദിവസത്തെ അവധി

വെള്ളി, ശനി, ഞായർ ദിവസങ്ങളിൽ വാരാന്ത്യ അവധി നിലവിലുള്ള ഷാർജയിലെ സർക്കാർ ജീവനക്കാർക്കും സ്കൂൾ വിദ്യാർത്ഥികൾക്കും തിങ്കളാഴ്ചത്തെ പൊതു അവധി കൂടി ലഭിക്കുന്നതോടെ തുടർച്ചയായ നാല് ദിവസത്തെ വലിയ അവധിക്കാലമാണ് ലഭിക്കുക.

ALSO READ: അറ്റകുറ്റപ്പണികള്‍: ദുബൈ റംറാം നിവാസികള്‍ക്ക് ഒഴിഞ്ഞുപോകല്‍ നോട്ടീസ്; വാടകയും താമസച്ചെലവും നഷ്ടപരിഹാരമായി നല്‍കും

Dubai has announced a holiday for schools and universities on June 15 to mark the Hijri New Year, giving students and staff a day off for the occasion.