ശാസ്താംകോട്ട: തക്കാളി കയറ്റി വന്ന ലോറി നിയന്ത്രണംവിട്ടു മറിഞ്ഞുണ്ടായ അപകടത്തിൽ ഗുരുതരമായി പരുക്കേറ്റ് ചികിത്സയിലായിരുന്ന ബൈക്ക് യാത്രക്കാരൻ മരണപ്പെട്ടു. മൈനാഗപ്പള്ളി ഇടവനശേരി കൊട്ടിലയ്യത്ത് വീട്ടിൽ അബ്ദുൽ സലാം (54) ആണ് സ്വകാര്യ ആശുപത്രിയിൽ വെച്ച് ഉച്ചയോടെ മരണത്തിന് കീഴടങ്ങിയത്.

കഴിഞ്ഞ ദിവസം (മെയ് 30) രാവിലെ മൈനാഗപ്പള്ളി കുറ്റിയിൽ മുക്കിലായിരുന്നു ദാരുണമായ ഈ അപകടം സംഭവിച്ചത്. കരുനാഗപ്പള്ളിയിൽ നിന്നും ശാസ്താംകോട്ട ഭാഗത്തേക്ക് തക്കാളിയുമായി വരികയായിരുന്ന ലോറി, മഴയെത്തുടർന്ന് റോഡിൽ നിയന്ത്രണം വിട്ട് തെന്നിമറിയുകയായിരുന്നു. 

ഈ സമയത്താണ് എതിരെ വന്ന സലാമിന്റെ ബൈക്കിലേക്ക് ലോറി ഇടിച്ചുകയറിയത്. മകനെ ശാസ്താംകോട്ട റെയിൽവേ സ്റ്റേഷനിൽ വിട്ട ശേഷം വീട്ടിലേക്ക് മടങ്ങുന്നതിനിടെയായിരുന്നു സലാമിനെ തേടി ദുരന്തമെത്തിയത്.

ഗുരുതരമായി പരുക്കേറ്റ ഇദ്ദേഹത്തെ ഉടൻ തന്നെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

A bike rider who was undergoing treatment following a road accident in Kollam has passed away. The mishap occurred when a lorry lost control and overturned, striking the motorcyclist. Despite receiving medical care, the rider succumbed to his injuries.