തേഞ്ഞിപ്പലം: കാലിക്കറ്റ് സര്‍വകലാശാലാ കാംപസില്‍നിന്നു പാമ്പിനെ പിടികൂടി. ഇന്നലെ രാവിലെ ഒന്‍പതോടെ കാംപസിലെ ജല ശുദ്ധീകരണ പ്ലാന്റും പമ്പ്ഹൗസും സ്ഥിതി ചെയ്യുന്ന ഭാഗത്താണ് ഉഗ്രവിഷമുള്ള പാമ്പിനെ കണ്ടത്തിയത്. വിവരമറിഞ്ഞ് സെക്യൂരിറ്റി ജീവനക്കാരെത്തിയപ്പോഴേക്കും പാമ്പ് തൊട്ടടുത്ത മരത്തിന് മുകളില്‍ കയറി. സര്‍വകലാശാലാ അധികൃതര്‍ വിവരമറിയിച്ചതനുസരിച്ചു പാമ്പിനെ പിടികൂടാന്‍ വേങ്ങരയിലുള്ള പാമ്പ് പിടുത്തക്കാരന്‍ മുസ്തഫ എത്തിയപ്പോഴേക്കും പാമ്പ് കാംപസിലെ അലങ്കാര പനയുടെ മുകളില്‍ കയറിക്കൂടിയിരുന്നു. കോണിവച്ചു കയറിയാണ് പനയുടെ മുകളില്‍ നിന്നു പാമ്പിനെ പിടികൂടിയത്. ഉഗ്രവിഷമുള്ള എഴുത്താണി മൂര്‍ഖനാണിതെന്നു മുസ്തഫ പറഞ്ഞു. കാംപസില്‍ കെട്ടിടത്തിനകത്തും പുറത്തുമായി പാമ്പകളെ കണ്ടെത്തുന്നതു പതിവാണ്.