കൊല്ലം: കൊട്ടാരക്കര കെ.എസ്.ആര്‍.ടി.സി ഡിപ്പോയില്‍ ഡ്രൈവറെ തൂങ്ങിമരിച്ച നിലയില്‍ കണ്ടെത്തി. കുണ്ടറ കുഴിയം സ്വദേശിയായ ബാബുവിനെയാണ് മരിച്ച നിലയില്‍ കണ്ടെത്തിയത്.

കൊട്ടാരക്കര കെ.എസ്.ആര്‍.ടി.സി ഗ്യാരേജിന് സമീപത്തെ ഷോപ്പിങ് കോംപ്ലക്‌സിന്റെ മുകള്‍നിലയിലെ ഓഫീസ് വരാന്തയിലാണ് ബാബുവിനെ തൂങ്ങിമരിച്ച നിലയില്‍ കണ്ടെത്തിയത്. വിവരം ലഭിച്ചതിനെ തുടര്‍ന്ന് പൊലിസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം പോസ്റ്റ്‌മോര്‍ട്ടത്തിനായി മാറ്റി.

2025 ഫെബ്രുവരിയില്‍ കോണ്‍ഗ്രസ് അനുകൂല സംഘടനയുടെ നേതൃത്വത്തില്‍ നടന്ന സമരത്തില്‍ പങ്കെടുത്തതിനെ തുടര്‍ന്ന് ബാബു ഉള്‍പ്പെടെ നാല് ജീവനക്കാരെ സസ്‌പെന്‍ഡ് ചെയ്തിരുന്നു. തുടര്‍ന്ന് ഏകദേശം ഒരു വര്‍ഷത്തോളം സര്‍വീസില്‍ നിന്ന് വിട്ടുനിന്ന അദ്ദേഹം കഴിഞ്ഞ മാര്‍ച്ചിലാണ് വീണ്ടും ജോലിയില്‍ പ്രവേശിച്ചത്.

ദീര്‍ഘകാലം ശമ്പളമില്ലാതെ കഴിഞ്ഞതിനെ തുടര്‍ന്ന് ബാബു കടുത്ത സാമ്പത്തിക പ്രതിസന്ധി നേരിട്ടിരുന്നതായാണ് വിവരം. കൂടാതെ ഭാര്യയുടെ ആരോഗ്യപ്രശ്‌നങ്ങളും കുടുംബത്തെ ബാധിച്ചിരുന്നു. ഈ സാഹചര്യങ്ങള്‍ മൂലം അദ്ദേഹം കടുത്ത മാനസിക സമ്മര്‍ദ്ദത്തിലായിരുന്നുവെന്ന് സുഹൃത്തുക്കളും ബന്ധുക്കളും പറയുന്നു.

സാമ്പത്തികവും കുടുംബപരവുമായ പ്രശ്‌നങ്ങളാണ് ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം. സംഭവത്തില്‍ പൊലിസ് അന്വേഷണം ആരംഭിച്ചു.

A KSRTC driver was found hanging at the Kottarakkara KSRTC depot. The deceased has been identified as Babu, a native of Kuzhiyam in Kundara.Babu was found hanging in the office veranda on the upper floor of the shopping complex near the Kottarakkara KSRTC garage.