ശ്രീനഗര്‍: കശ്മിരില്‍ പെല്ലറ്റ് വെടിവെപ്പില്‍ 15 വയസുകാരന്‍ കൊല്ലപ്പെട്ടു. ഹര്‍വാനില്‍ പ്രതിഷേധ റാലിക്കുനേരേ സുരക്ഷാ സേന നടത്തിയ പെല്ലറ്റ് ആക്രമണത്തിലാണ് മുഅമിന്‍ അല്‍താഫ് എന്ന ബാലന്‍ കൊല്ലപ്പെട്ടത്. കഴിഞ്ഞ ദിവസം വൈകിട്ടായിരുന്നു സംഭവം.ബാലന്റെ മരണത്തെ തുടര്‍ന്ന് താഴ്‌വരയില്‍  സംഘര്‍ഷം രൂക്ഷമായി. എന്നാല്‍ ജനക്കൂട്ടത്തിന് നേരേ പെല്ലറ്റ് തോക്ക് ഉപയോഗിച്ചത് വളരെ ദൂരെ നിന്നാണെന്നും കുട്ടിയുടെ മരണകാരണം ഇതാകില്ലെന്നുമാണ് സൈന്യം നല്‍കുന്ന വിശദീകരണം.
ഹിസ്ബുല്‍ കമാന്‍ഡര്‍ ബുര്‍ഹാന്‍ വാനി സുരക്ഷാ സേനയുടെ നടപടിക്കിടെ കൊല്ലപ്പെട്ടതിനെ തുടര്‍ന്നാണ് കാശ്മിരില്‍ സംഘര്‍ഷങ്ങള്‍ തുടങ്ങിയത്. സംഘര്‍ഷങ്ങളില്‍ ഇതുവരെ 85 പേര്‍ കൊല്ലപ്പെട്ടിട്ടുണ്ട്.