ന്യൂയോര്‍ക്ക്: പുലിസ്റ്റര്‍ പുരസ്‌കാര ജേതാവായ നാടകരചയിതാവ് എഡ്വേര്‍ഡ് അല്‍ബെ അന്തരിച്ചു. 88 വയസ്സായിരുന്നു. വെള്ളിയാഴ്ച ന്യൂയോര്‍ക്കിലെ മോണ്ടോകിലെ വീട്ടിലാണ് അന്ത്യമെന്ന് ന്യൂയോര്‍ക്ക് ടൈംസ് റിപ്പോര്‍ട്ട് ചെയ്തു. കുറച്ചുനാളായി അസുഖത്തെ തുടര്‍ന്ന് അല്‍ബെ  കിടപ്പിലായിരുന്നു. മുപ്പതാം വയസ്സില്‍ 1958ലെ ദി സൂ സ്റ്റോറി എന്ന നാടകത്തിലൂടെയാണ് അരങ്ങിലെത്തുന്നത്. ഏറ്റവും നല്ല നാടകത്തിനുള്ള മൂന്ന് പുലിറ്റ്‌സര്‍ പുരസ്‌കാരങ്ങള്‍ അല്‍ബെയെ തേടിയെത്തി. 1976ല്‍ 'എ ഡെലിക്കേറ്റ് ബാലന്‍സ് 'എന്ന നാടകത്തിനാണ് പുരസ്‌കാരം ലഭിച്ചത്. 1973ല്‍ അതു സിനിമയായി. 1975ലെ സീ സ്‌കാപിനും 1994ലെ ത്രീ ടാള്‍ വുമണിനും പുലിറ്റ്‌സര്‍ പുരസ്‌കാരങ്ങള്‍ ലഭിച്ചു.