കണ്ണൂര്‍: പയ്യാമ്പലത്ത് കടലില്‍ കുളിക്കുന്നതിനിടെ തിരയില്‍പ്പെട്ട് കാണാതായ ബംഗളൂരു സ്വദേശിയായ വിദ്യാര്‍ഥിയുടെ മൃതദേഹം കണ്ടെത്തി. കൊട്ടിയൂര്‍ ക്ഷേത്രത്തില്‍ ദര്‍ശനത്തിനെത്തി മടങ്ങിയ ബംഗളൂരുവിലെ നാലംഗ സംഘത്തിലെ സന്തോഷ് കുമാര്‍ (20) ആണ് അപകടത്തില്‍ മരിച്ചത്. മൃതദേഹം കര്‍ണാടകയിലേക്ക് കൊണ്ടുപോയി. 

മറൈന്‍ എന്‍ഫോഴ്‌സ്‌മെന്റും കോസ്റ്റല്‍ പൊലിസും ലൈഫ് ഗാര്‍ഡുകളും അഗ്‌നിരക്ഷാ സേനയും കടലില്‍ ഇന്നലെ തിരച്ചില്‍ നടത്തിയെങ്കിലും കണ്ടെത്താനായില്ല. ശനിയാഴ്ച്ച വൈകിട്ട് കൊച്ചിയില്‍ നിന്ന് എത്തിച്ച കോസ്റ്റ് ഗാര്‍ഡിന്റെ ചെറുവിമാനം ഉപയോഗിച്ചും പരിശോധന നടത്തിയിരുന്നു. തിരച്ചില്‍ ഇന്നും തുടരുന്നതിനിടെയാണ് മൃതദേഹം കണ്ടെത്തിയത്. 

ഇന്നലെ ഉച്ചയ്ക്ക് 12.30 ഓടെയാണ് സംഭവം. ബംഗളൂരുവില്‍ നിന്ന് കാര്‍മാര്‍ഗം കണ്ണൂരിലെത്തിയ നാലംഗ സംഘത്തിലെ ബംഗളൂരു റൂറലിലെ നിലമംഗല ജൂനിയര്‍ കോളജ് ബിരുദ വിദ്യാര്‍ഥി സന്തോഷ് കുമാര്‍, സുഹൃത്തും സ്വകാര്യ സ്ഥാപനത്തില്‍ സിസ്റ്റം ഓപറേറ്ററായ മനോജും കടലില്‍ കുളിക്കവേ തിരയില്‍പ്പെട്ടത്. കൂടെയുണ്ടായിരുന്നവര്‍ ബഹളം വച്ചതോടെ ലൈഫ് ഗാര്‍ഡുമാരായ വിജേഷ് ജോസഫ്, ഡേവിഡ് ജോണ്‍സണ്‍, കോസ്റ്റല്‍ വാര്‍ഡന്‍ അരുണ്‍ എന്നിവര്‍ ചേര്‍ന്ന് മനോജിനെ രക്ഷപ്പെടുത്തി. ഏറെനേരം തിരച്ചില്‍ നടത്തിയെങ്കിലും സന്തോഷ് കുമാറിനെ കണ്ടെത്താനായില്ല. 

ഇന്നലെ രണ്ടുതവണയാണ് പയ്യാമ്പലം തീരത്ത് വിനോദ സഞ്ചാരത്തിനെത്തിയ കര്‍ണാടക സ്വദേശികള്‍ ഒഴുക്കില്‍പ്പെട്ടത്. രാവിലെ 9.30 ഓടെ പയ്യാമ്പലത്തെ പൊലിസ് എയ്ഡ് പോസ്റ്റിന് മുന്നിലായി എട്ടംഗ സംഘം കടലില്‍ കുളിക്കുന്നതിനിടെ ചിരന്ത് ശര്‍മ (24) എന്ന യുവാവ് തീരത്തു നിന്നും 150 മീറ്റര്‍ അകലെ കടലില്‍ അകപ്പെട്ടു. തീരത്തുണ്ടായിരുന്ന ലൈഫ് ഗാര്‍ഡ് ഡേവിഡ് ജോണ്‍സണ്‍, കോസ്റ്റല്‍ വാര്‍ഡന്‍ അരുണ്‍ എന്നിവര്‍ അതിസാഹസികമായാണ് കടലില്‍ ഇറങ്ങി യുവാവിനെ രക്ഷപ്പെടുത്തി ജില്ലാ ആശുപത്രിയിലേക്ക് മാറ്റുകയായിരുന്നു.

The body of a Bengaluru native who went missing after being caught in strong sea waves at Payyambalam Beach has been recovered. The man had reportedly disappeared while in the water, prompting a search operation by rescue teams and local authorities. Following extensive efforts, the body was located and recovered.