വടകര: വിവാദമായ കാഫിര്‍ സ്‌ക്രീന്‍ഷോട്ട് കേസില്‍ പ്രകിയായ ജിതിന്റെ ജാമ്യാപേക്ഷ പരിഗണിക്കുന്നത് മാറ്റി. വടകര ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയാണ് ഹരജി നാളത്തേക്ക് മാറ്റിയത്. 

അതേസമയം, കാഫിര്‍ സ്‌ക്രീന്‍ ഷോട്ടിന്റെ ഉറവിടം ഇപ്പോള്‍ റിമാന്‍ഡിലുള്ള നിതിന്‍ ഭാസ്‌കര്‍ തന്നെയെന്ന് നിഗമനത്തിലാണ് പ്രത്യേക അന്വേഷണ സംഘം. രണ്ടു ദിവസം കസ്റ്റഡിയില്‍ ചോദ്യം ചെയ്തതില്‍ നിന്നും നിര്‍ണായക വിവരങ്ങള്‍ എസ്.ഐ.ടിക്ക് ലഭിച്ചിട്ടുണ്ട്. റിബേഷ് രാമകൃഷ്ണനെയും വിവിധ ഗ്രൂപ്പ് അഡ്മിന്‍മാരെയും ചോദ്യം ചെയ്തപ്പോള്‍ ലഭിച്ച മൊഴിയിലെ വിവരങ്ങള്‍വച്ചാണ് നിതിനെ ചോദ്യം ചെയ്തത്. ഇവരെയെല്ലാം ചോദ്യംചെയ്യാന്‍ വിളിപ്പിച്ചതോടെയാണ് നിതിന്‍ തന്റെ ഫോണ്‍ ഫോര്‍മാറ്റ് ചെയ്യുകയും റീസെറ്റ് ചെയ്യുകയും ചെയ്തത്. 

വടകര സ്‌ക്വാഡ് എന്ന വാട്‌സ് ആപ്പ് ഗ്രൂപ്പിലാണ് സ്‌ക്രീന്‍ഷോട്ട് ആദ്യം പ്രത്യക്ഷപ്പെട്ടത്. ഇതില്‍ സ്‌ക്രീന്‍ഷോട്ട് പങ്കുവച്ചത് നിതിന്‍തന്നെയാണ്. ലോക്‌സഭ തെരഞ്ഞെടുപ്പില്‍ പ്രചരണരംഗത്ത് ഏറെ മുന്നേറിയ ഷാഫി പറമ്പിലിനെതിരേ അവസാന നിമിഷം പ്രയോഗിക്കാനുള്ള ആയുധമായാണ് സ്‌ക്രീന്‍ഷോട്ട് നിര്‍മിച്ചത്. വോട്ടെടുപ്പിന് മുന്‍പ് ഇതിന്റെ സത്യം കണ്ടെത്താന്‍ കഴിയാതെ തെരഞ്ഞെടുപ്പ് അനുകൂലമാക്കുക എന്നതായിരുന്നു ലക്ഷ്യം. എന്നാല്‍ ഇതിനു പിന്നിലെ ബുദ്ധികേന്ദ്രം നിതിന്‍ അല്ല എന്ന് അന്വേഷണസംഘത്തിന് ഉറപ്പായിട്ടുണ്ട്. 

The hearing on Nithin’s bail petition in connection with the ‘Kafir Screenshot’ case has been postponed and is scheduled to be considered tomorrow. The court deferred the matter without issuing a final ruling on the plea. The case has drawn public attention, and further developments are expected when the petition comes up for hearing again.