എളേറ്റില്‍: യുവാക്കള്‍ സാമൂഹ്യ പ്രശ്‌നങ്ങള്‍ അറിയുകയും പരിഹരിക്കുകയും ചെയ്യുന്ന സോഷ്യല്‍ എന്‍ജിനീയര്‍മാരായി മാറണമെന്ന് പാണക്കാട് മുനവ്വറലി ശിഹാബ് തങ്ങള്‍ പറഞ്ഞു. കിഴക്കോത്ത് പഞ്ചായത്ത് മുസ്‌ലിം യൂത്ത് ലീഗ് സംഘടിപ്പിച്ച നേതൃ ശില്‍പശാല 'വെളിച്ചം 2016' ഉദ്ഘാടനം ചെയ്യുകയായിരുന്നു അദ്ദേഹം. ചടങ്ങില്‍ കിഴക്കോത്ത് പഞ്ചായത്തിലെ മികച്ച യുവകര്‍ഷകനുള്ള പുരസ്‌കാരം വി.പി അഷ്‌റഫ് പന്നൂരിനും മികച്ച സംഘടനാ പ്രവര്‍ത്തകനുള്ള പുരസ്‌കാരം വി. അബ്ദുല്‍ അസീസിനും തങ്ങള്‍ സമ്മാനിച്ചു. പഞ്ചായത്ത് യൂത്ത്‌ലീഗ് പ്രസിഡന്റ് അര്‍ഷദ് കിഴക്കോത്ത് അധ്യക്ഷനായി.
നജീബ് കാന്തപുരം, റാശിദ് ഗസ്സാലി കൂളിവയല്‍ ക്ലാസെടുത്തു. ഗ്രാമപഞ്ചായത്ത് പ്രസിഡന്റ് എന്‍.സി ഉസൈന്‍ മാസ്റ്റര്‍, ജില്ലാ പഞ്ചായത്ത് മെമ്പര്‍ എം.എ ഗഫൂര്‍ മാസ്റ്റര്‍, ഇബ്രാഹീം എളേറ്റില്‍, പി.ഡി അബ്ദുറഹ്മാന്‍ കുട്ടി, കെ.കെ ജബ്ബാര്‍, എന്‍. ജാഫര്‍, ഷമീര്‍ പറക്കുന്ന്, ടി. മൊയ്തീന്‍കോയ, വി.കെ അബ്ദുറഹ്മാന്‍, എ.കെ കൗസര്‍, വി.കെ റഷീദ് മാസ്റ്റര്‍, മങ്ങലങ്ങാട്ട് മുഹമ്മദ്, എം. ആലി സംസാരിച്ചു.