തൊടുപുഴ: കേരള-തമിഴ്‌നാട് അതിര്‍ത്തി വനമേഖലയില്‍ കാട്ടാനയുടെ ആക്രമണത്തില്‍ പെരിയാര്‍ കടുവ സങ്കേതത്തിലെ വനം വകുപ്പ് ഉദ്യോഗസ്ഥന് പരുക്കേറ്റു. പെരിയാര്‍ കടുവ സങ്കേതത്തിലെ സുന്ദരമല സെക്ഷനിലെ സെക്ഷന്‍ ഫോറസ്റ്റ് ഓഫീസറായ സതീഷ് രാജിനാണ് പരുക്കേറ്റത്.

കേരള-തമിഴ്‌നാട് അതിര്‍ത്തിയോട് ചേര്‍ന്നുള്ള തമിഴ്‌നാട് വനമേഖലയില്‍ ഡ്യൂട്ടിയിലിരിക്കെയാണ് കാട്ടാന ആക്രമിച്ചത്. വനത്തിനുള്ളിലെ ദുര്‍ഘട പ്രദേശമായതിനാല്‍ വാഹനമെത്താന്‍ കഴിയാത്ത സാഹചര്യമായിരുന്നു.

ALSO READ: ധനബില്‍ നിയമസഭ പാസാക്കി; പ്രതിപക്ഷം വിട്ടുനിന്നു, മദ്യനികുതി വിവാദത്തില്‍ പ്രതികരിച്ച് മുഖ്യമന്ത്രി 

പരുക്കേറ്റ സതീഷ് രാജിനെ സഹപ്രവര്‍ത്തകരും രക്ഷാപ്രവര്‍ത്തകരും ചേര്‍ന്ന് ഏകദേശം ആറു കിലോമീറ്റര്‍ ചുമന്നാണ് വനത്തിന് പുറത്തേക്ക് എത്തിച്ചത്. തുടര്‍ന്ന് ആശുപത്രിയിലേക്ക് മാറ്റാനുള്ള നടപടികള്‍ സ്വീകരിച്ചു.

സംഭവത്തെ തുടര്‍ന്ന് അതിര്‍ത്തി വനമേഖലയില്‍ ജാഗ്രത ശക്തമാക്കിയിട്ടുണ്ട്.