മംഗളൂരു: വീടിന് മുകളില്‍ മതിലിടിഞ്ഞ് രണ്ടു കുട്ടികള്‍ ഉള്‍പ്പെടെ മൂന്ന് മരണം. ഇന്ന് പുലര്‍ച്ചെ കങ്കനാടി പൊലിസ് സ്റ്റേഷന്‍ പരിധിയിലെ ഗരോഡിയിലാണ് സംഭവം. കനത്ത മഴയെത്തുടര്‍ന്ന് വാടക വീടുകളുടെ നിരയിലേക്ക് കോമ്പൗണ്ട് മതില്‍ ഇടിഞ്ഞുവീഴുകയായിരുന്നു. ബിഹാര്‍ സ്വദേശിയായ ലാല്‍ബാബുവിന്റെ മക്കളായ അനാമിക ചൗരസ്യ (എട്ട്), പരി (നാല്), ബിഹാര്‍ സ്വദേശിനി ബാലകൃഷ്ണയുടെ ഭാര്യ ശാന്ത (46) എന്നിവരാണ് മരിച്ചത്.

ALSO READ: ആശുപത്രിയില്‍ രോഗിക്ക് ക്രൂരമര്‍ദനം; ഉത്തര്‍പ്രദേശില്‍ വനിതാ ജീവനക്കാരിക്ക് സസ്‌പെന്‍ഷന്‍

 ലാല്‍ബാബുവിന്റെയും ബാലകൃഷ്ണയുടെയും അടക്കം നാല് കുടുംബങ്ങളാണ്  കോമ്പൗണ്ട് മതിലിന് തൊട്ടുതാഴെയുള്ള വാടക വീടുകളില്‍ താമസിച്ചിരുന്നത്. നാല് വീടുകളുടെയും പിന്‍ഭാഗത്തെ ഭിത്തികള്‍ തകര്‍ന്നു. പൊലിസും രക്ഷാപ്രവര്‍ത്തകരും സ്ഥലത്തെത്തി. 

ആറ് പേര്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുകയാണെന്ന് പൊലിസ് കമ്മീഷണര്‍ സുധീര്‍ കുമാര്‍ റെഡ്ഡി പറഞ്ഞു. 

three people, including two children, were killed after a compound wall collapsed onto a row of rental houses in mangaluru following heavy rain. rescue operations are underway as several people remain trapped.