നദുബൈ: പശ്ചിമേഷ്യന്‍ സംഘര്‍ഷം യു.എ.ഇയിലെ തൊഴില്‍ നിയമനങ്ങളില്‍ ഗണ്യമായ ഇടിവ് രേഖപ്പെടുത്തിയതായി റിപ്പോര്‍ട്ട്. ഉയര്‍ന്ന ശമ്പളമുള്ള ജോലികളെയാണ് പ്രധാനമായും ബാധിച്ചത്. കഴിഞ്ഞ വര്‍ഷത്തെ അപേക്ഷിച്ച് പ്രതിമാസം 10,000 ദിര്‍ഹം വരെ ശമ്പളമുള്ള ജോലികളില്‍ നിയമനം 26 ശതമാനം കുറഞ്ഞതായി 'നൗക്രിഗള്‍ഫ് ഹയറിംഗ് ഇന്‍ഡക്‌സ്' തയ്യാറാക്കിയ റിപോര്‍ട്ട് വ്യക്തമാക്കുന്നു.

യാത്ര, വ്യാപാരം, ടൂറിസം തുടങ്ങിയ പ്രധാന മേഖലകളിലുണ്ടായ മന്ദഗതിയെ തുടര്‍ന്ന് നിരവധി സ്വകാര്യ സ്ഥാപനങ്ങള്‍ പുതിയ നിയമനങ്ങള്‍ മന്ദഗതിയിലാക്കുകയോ ജീവനക്കാരുടെ എണ്ണം കുറയ്ക്കുകയോ ചെയ്തതായി റിപ്പോര്‍ട്ടില്‍ ചൂണ്ടിക്കാട്ടുന്നു. ഇതിന്റെ ഫലമായി 2026 ഏപ്രില്‍മേയ് മാസങ്ങളില്‍ യുഎഇയിലെ ആകെ തൊഴില്‍ നിയമനം കഴിഞ്ഞ വര്‍ഷത്തെ ഇതേ കാലയളവിനെ അപേക്ഷിച്ച് 23 ശതമാനം കുറഞ്ഞു. യുഎഇ, ഖത്തര്‍, ഒമാന്‍ എന്നിവിടങ്ങളിലെ 7,000ത്തിലധികം കമ്പനികളില്‍ നിന്നുള്ള 2.2 ലക്ഷം തൊഴില്‍ പരസ്യങ്ങള്‍ വിശകലനം ചെയ്താണ് റിപ്പോര്‍ട്ട് തയ്യാറാക്കിയത്.

കുറഞ്ഞ ശമ്പളമുള്ള തസ്തികകളെ സംഘര്‍ഷം കാര്യമായി ബാധിച്ചിട്ടില്ലെന്നാണ് കണ്ടെത്തല്‍. 11,000 മുതല്‍ 20,000 ദിര്‍ഹം വരെ ശമ്പളമുള്ള ജോലികളില്‍ നിയമനം 22 ശതമാനം ആണ് കുറഞ്ഞത്. 21,000 മുതല്‍ 40,000 വരെ ശമ്പളമുള്ള തസ്തികകളില്‍ 19 ശതമാനം ആണ് കുറവ്. 41,000 80,000 ദിര്‍ഹം വിഭാഗത്തില്‍ 11 ശതമാനവും 80,000 150,000 ദിര്‍ഹം വിഭാഗത്തില്‍ അഞ്ച് ശതമാനവും കുറവുണ്ടായി.

150,000 ദിര്‍ഹത്തിന് മുകളിലുള്ള തസ്തികകളില്‍ 23 ശതമാനത്തിന്റെ ഇടിവ് രേഖപ്പെടുത്തിയെങ്കിലും, ഇത്തരം ഒഴിവുകള്‍ പൊതുവെ വളരെ കുറവായതിനാല്‍ ശതമാനക്കണക്കില്‍ വലിയ വ്യത്യാസം പ്രകടമായതാണെന്ന് റിപ്പോര്‍ട്ട് വ്യക്തമാക്കുന്നു. ഈ വിഭാഗത്തിലെ ഉയര്‍ന്ന തസ്തികകളിലേക്ക് തൊഴിലുടമകള്‍ ഇപ്പോഴും സജീവമായി നിയമനം നടത്തുന്നുണ്ടെന്നും ചൂണ്ടിക്കാട്ടുന്നു.

English Summary: A recent report by the 'Naukrigulf Hiring Index' highlights a significant decline in job recruitment across the UAE, largely attributed to regional conflicts in the Middle East. Analysis of over 220,000 job advertisements from more than 7,000 companies across the UAE, Qatar, and Oman indicates a 23% drop in total hiring during April and May 2026 compared to the same period last year.