ബാഴ്‌സലോണ: സ്‌പെയിനിലെ അന്‍ഡലൂഷ്യ പ്രവിശ്യയില്‍ ഉണ്ടായ ശക്തമായ കാട്ടുതീയില്‍ 12 പേര്‍ മരിച്ചു. നിരവധി പേര്‍ക്ക് പരുക്കേറ്റതോടെ ജനങ്ങളെ വ്യാപകമായി സുരക്ഷിത കേന്ദ്രങ്ങളിലേക്ക് മാറ്റി. സമീപകാലത്ത് രാജ്യം നേരിട്ട ഏറ്റവും വലിയ പ്രകൃതിദുരന്തങ്ങളിലൊന്നായാണ് സംഭവം വിലയിരുത്തപ്പെടുന്നത്.

അന്‍ഡലൂഷ്യയിലെ ബെദാര്‍, ലോസ് ഗല്ലാര്‍ഡോസ് ഗ്രാമങ്ങളിലാണ് തീ ഏറ്റവും കൂടുതല്‍ നാശം വിതച്ചത്. രക്ഷപ്പെടാന്‍ ശ്രമിക്കുന്നതിനിടെ വാഹനങ്ങള്‍ക്കുള്ളില്‍ കുടുങ്ങിയ നിലയിലാണ് ചിലരുടെ മൃതദേഹങ്ങള്‍ കണ്ടെത്തിയത്. പൊള്ളലേറ്റും പുക ശ്വസിച്ചും ഗുരുതരാവസ്ഥയിലായ ആറുപേര്‍ ആശുപത്രിയില്‍ ചികിത്സയിലാണ്.

ALSO READ: രാമക്ഷേത്ര കാണിക്ക മോഷണം: കൊള്ളപ്പണം ഓഹരിവിപണിയില്‍ നിക്ഷേപിച്ചു; 30 ബാങ്ക് അക്കൗണ്ടുകള്‍ മരവിപ്പിച്ച് പൊലിസ് 

40 ഡിഗ്രി സെല്‍ഷ്യസിനടുത്തെത്തിയ ഉഷ്ണതരംഗവും വരണ്ട കാലാവസ്ഥയും മണിക്കൂറില്‍ 50 കിലോമീറ്റര്‍ വേഗത്തില്‍ വീശിയ കാറ്റും തീ അതിവേഗം പടരാന്‍ കാരണമായി. തീ നിയന്ത്രണവിധേയമാക്കാന്‍ 150-ലധികം അഗ്‌നിശമന സേനാംഗങ്ങളും സൈനികരും രക്ഷാപ്രവര്‍ത്തനം തുടരുകയാണ്.

കാട്ടുതീയുടെ കൃത്യമായ കാരണം ഇതുവരെ സ്ഥിരീകരിച്ചിട്ടില്ല. വൈദ്യുത ലൈന്‍ തകര്‍ന്നുവീണ് ഉണങ്ങിയ ഇലകള്‍ക്ക് തീപിടിച്ചതാകാമെന്നാണ് പ്രാഥമിക നിഗമനം. ദുരന്തത്തില്‍ മരിച്ചവരുടെ കുടുംബങ്ങളോട് അനുശോചനം രേഖപ്പെടുത്തിയ സ്‌പെയിന്‍ പ്രധാനമന്ത്രി പെഡ്രോ സാഞ്ചസ്, രക്ഷാപ്രവര്‍ത്തനത്തിന് സര്‍ക്കാര്‍ എല്ലാ പിന്തുണയും ഉറപ്പുനല്‍കുമെന്ന് അറിയിച്ചു.

12 people have died in a massive wildfire in the Andalusia province of Spain.Several others were injured and people have been widely evacuated to safe centers. The incident is being described as one of the biggest natural disasters the country has faced in recent times.