ഹരിപ്പാട്: തര്‍ക്കത്തെ തുടര്‍ന്ന് ഫലപ്രഖ്യാപനം മാറ്റി വെച്ച പായിപ്പാട് ജലോത്സവത്തില്‍ പായിപ്പാടന്‍ ചുണ്ടന്‍ വിജയിച്ചതായി പ്രഖ്യാപിച്ചു. ചതയ നാളില്‍ പായിപ്പാട് ആറ്റില്‍ നടന്ന വള്ളം കളിയില്‍ ചുണ്ടന്‍ വള്ളങ്ങളുടെ ഫൈനല്‍ മത്സരങ്ങള്‍ ഫലം പ്രഖ്യാപിക്കാന്‍ കഴിയാതെ തര്‍ക്കത്തില്‍ കലാശിക്കുകയായിരുന്നു. തുടര്‍ന്ന് ഇന്നലെ ആര്‍.ഡി.ഒയുടെ സാന്നിദ്ധ്യത്തില്‍ മത്സരത്തിന്റെ വിഡിയോ പരിശോധിച്ച് വിജയികളെ പ്രഖ്യാപിച്ചു. മത്സരത്തില്‍ ആയാപറമ്പ് പാണ്ടി തുഴപ്പാടുകളുടെ വെത്യാസത്തില്‍ ഒന്നാമത് ഫിനിഷ് ചെയ്‌തെങ്കിലും ട്രാക്ക് മാറി തുഴഞ്ഞതിനാല്‍ രണ്ടാമത് ഫിനിഷ് ചെയ്ത പായിപ്പാടന്‍ ചുണ്ടനെ വിജയിയായി പ്രഖ്യാപിച്ചു. കാരിച്ചാല്‍ ചുണ്ടനാണ് രണ്ടാം സ്ഥാനം. ആയാപറമ്പ് പാണ്ടിയെ അയോഗ്യരുമാക്കി.