കോഴിക്കോട്: സംസ്ഥാനത്ത് നോൺ-പ്രായോരിറ്റി (വെള്ള, നീല) വിഭാഗത്തിൽപ്പെടുന്ന റേഷൻ കാർഡുകൾ മുൻഗണനാ (പിങ്ക്) വിഭാഗത്തിലേക്ക് മാറ്റുന്നതിനായി അപേക്ഷകൾ ക്ഷണിച്ചു. അർഹരായ ഗുണഭോക്താക്കൾക്ക് ജൂലൈ 17 വരെ (17-07-2026) ഇതിനായി അപേക്ഷിക്കാവുന്നതാണ്.

അപേക്ഷിക്കാനുള്ള യോഗ്യതാ മാനദണ്ഡങ്ങൾ

താഴെ പറയുന്ന നിബന്ധനകൾ പാലിക്കുന്ന കുടുംബങ്ങൾക്കാണ് റേഷൻ കാർഡ് മുൻഗണനാ വിഭാഗത്തിലേക്ക് മാറ്റാൻ അർഹതയുണ്ടായിരിക്കുക:

വീടിന്റെ വിസ്തീർണം: താമസിക്കുന്ന വീടിന്റെ വിസ്തീർണം 1000 സ്ക്വയർ ഫീറ്റിൽ കുറവായിരിക്കണം.

ഭൂമി: സ്വന്തം പേരിലുള്ള ഭൂമി ഒരു ഏക്കറിൽ താഴെ മാത്രമായിരിക്കണം.

വരുമാനം: കുടുംബത്തിന്റെ പ്രതിമാസ വരുമാനം 25,000 രൂപയിൽ കവിയരുത്.

വാഹനം: സ്വന്തമായി നാല് ചക്ര വാഹനങ്ങൾ (ഫോർ വീലർ) ഉണ്ടാകാൻ പാടില്ല.

ഉദ്യോഗം/നികുതി: കുടുംബത്തിൽ സർക്കാർ, അർദ്ധ സർക്കാർ, പൊതുമേഖല, സഹകരണ സ്ഥാപനങ്ങളിൽ ജോലി ചെയ്യുന്നവരോ, സർവീസ് പെൻഷൻ കൈപ്പറ്റുന്നവരോ, ആദായ നികുതി ഒടുക്കുന്നവരോ ഉണ്ടാകരുത്.

ആവശ്യമായ രേഖകൾ

അപേക്ഷയോടൊപ്പം താഴെ പറയുന്ന രേഖകൾ സമർപ്പിക്കേണ്ടതാണ്:

തദ്ദേശ സ്വയംഭരണ സ്ഥാപനത്തിൽ നിന്നുള്ള ബിൽഡിംഗ് സർട്ടിഫിക്കറ്റ് (നിർബന്ധം)

സ്വയം സാക്ഷ്യപ്പെടുത്തിയ പത്രം (നിർബന്ധമില്ല)

മറ്റ് മുൻഗണനാ രേഖകൾ (BPL സർട്ടിഫിക്കറ്റ്, ഭിന്നശേഷി സർട്ടിഫിക്കറ്റ്, മെഡിക്കൽ സർട്ടിഫിക്കറ്റ് എന്നിവ ലഭ്യമാണെങ്കിൽ സമർപ്പിക്കാം - നിർബന്ധമില്ല)

ശ്രദ്ധിക്കുക: അർഹരായ എല്ലാ കുടുംബങ്ങളും അവസാന തീയതിക്ക് മുൻപായി തന്നെ അപേക്ഷകൾ സമർപ്പിക്കേണ്ടതാണ്. കൂടുതൽ വിവരങ്ങൾക്ക് അടുത്തുള്ള താലൂക്ക് സപ്ലൈ ഓഫീസുമായോ അക്ഷയ കേന്ദ്രങ്ങളുമായോ ബന്ധപ്പെടുക. 

Are you looking to change your blue or white ration card to a priority (pink) card? The Civil Supplies Department is inviting applications from eligible families. Here is a quick guide on the eligibility criteria, required documents, and how to apply for the conversion. pink ration card.