തൊടുപുഴ: ഇടവെട്ടി പ്രണവം ലൈബ്രറിയുടെ ആഭിമുഖ്യത്തില്‍ ഓണാഘോഷ പരിപാടികള്‍ നടത്തി.
പൂക്കള മത്സരം, തീറ്റ മത്സരം, നീന്തല്‍ മത്സരം, വടംവലി മത്സരം എന്നിങ്ങനെ 60 ല്‍ പരം മത്സരങ്ങള്‍ സംഘടിപ്പിച്ചു. സമാപന സമ്മേളനം ഇടുക്കി ജില്ലാ പഞ്ചായത്ത് വൈസ് പ്രസിഡന്റ് മാത്യു ജോണ്‍ ഉദ്ഘാടനം ചെയ്തു.
അറക്കുളം ജയ്ഹിന്ദ് ലൈബ്രറി പ്രസിഡന്റ് പി എ വേലുക്കുട്ടന്‍ ഓണസന്ദേശം നല്‍കി. സംസ്ഥാന ലൈബ്രറി കൗണ്‍സില്‍ അംഗം കെ എം ബാബു മുഖ്യാതിഥിയായിരുന്നു. വിവിധ മേഖലകളിലെ പ്രതിഭകളെ ബ്ലോക്ക് പഞ്ചായത്ത് പ്രസിഡന്റ് ജിമ്മി പോള്‍ ആദരിച്ചു.
ഗ്രാമപഞ്ചായത്ത് പ്രസിഡന്റ് ലത്തീഫ് മുഹമ്മദ് സമ്മാനങ്ങള്‍ വിതരണം ചെയ്തു.
ബ്ലോക്ക് മെമ്പര്‍ ജിമ്മി മറ്റത്തിപ്പാറ, ഗ്രാമപഞ്ചായത്ത് അംഗങ്ങളായ ടി എം മുജീബ്, കുമാരി അശ്വതി ആര്‍ നായര്‍, മുനിസിപ്പല്‍ കൗണ്‍സിലര്‍ ടി കെ അനില്‍കുമാര്‍, ജയകൃഷ്ണന്‍ പുതിയേടത്ത് എന്നിവര്‍ സംസാരിച്ചു. ലൈബ്രറി പ്രസിഡന്റ് ടി എസ് ചാക്കോ അധ്യക്ഷത വഹിച്ചു.