തിരുവനന്തപുരം: സെപ്തംബര്‍ ഒന്നിന് ഡല്‍ഹിയില്‍ നടക്കുന്ന സമരത്തില്‍ പങ്കെടുക്കാന്‍ കേരളത്തില്‍നിന്നുള്ള സമരക്കാരെ എത്തിക്കാന്‍ ട്രെയിന്‍ വാടകയ്‌ക്കെടുക്കാന്‍ സി.പി.ഐ. 1452 പേര്‍ക്ക് പോകാനായി 20 ബോഗികളുള്ള ട്രെയിന്‍ ഏഴുദിവസത്തേക്കാണ് വാടകയ്‌ക്കെടുക്കുക. 

തിരുവനന്തപുരത്തുനിന്ന് ഡല്‍ഹിയിലേക്കും തിരിച്ചും പാര്‍ട്ടിസഖാക്കളെ മാത്രം ഉള്‍പ്പെടുത്തിയാവും ഈ ട്രെയിന്‍ ഓടുക.  'ഡല്‍ഹി ചലോ, ബദലാവ് സരൂരി ഹേ' എന്നതാണ് സി.പി.ഐ.യുടെ സമരമുദ്രാവാക്യം.

ഓഗസ്റ്റ് 29ന് തിരുവനന്തപുരത്തുനിന്ന് പുറപ്പെടുന്ന പ്രത്യേക ട്രെയിന്‍ 31 ന് ഡല്‍ഹിയിലെത്തും. തിരികെ സെപ്തംബര്‍ 2 ന് പുറപ്പെട്ട് സെപ്റ്റംബര്‍ നാലിന് തിരിച്ചെത്തും. 

18 തേഡ്ക്ലാസ് എ.സി. കമ്പാര്‍ട്ടുമെന്റുകളാണുണ്ടാകുക. രണ്ട് ബോഗി എ.സി. ഇല്ലാത്തതുമാണ്. ഒരാള്‍ക്ക് 9000 രൂപയാണ് ഇതിനായി ചെലവുവരുക. 

ട്രെയിന്‍ രണ്ടിടത്ത് മാത്രമാണ് നിര്‍ത്തുക. അധികമായുള്ള ഓരോ സ്റ്റോപ്പിനും 25,000 രൂപയാണ് റെയില്‍വേക്ക് നല്‍കേണ്ടത്. 

പത്ത് ലക്ഷം രൂപ മുന്‍കൂറായി നല്‍കിയിട്ടുണ്ട്. തമിഴ്‌നാട്ടില്‍ നിന്ന് സമരക്കാരെ എത്തിക്കാനായി രണ്ട് തീവണ്ടികളാണ് പാര്‍ട്ടി ബുക്ക് ചെയ്തിരിക്കുന്നത്.

The Communist Party of India (CPI) has chartered a special train to transport party workers to Delhi for a protest against the Central Government. The train, consisting of 20 coaches with a capacity of 1,452 passengers, has been arranged to facilitate the participation of supporters in the demonstration.