തിരുവനന്തപുരം: കവലയൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ ഒന്നാം ക്ലാസ് വിദ്യാര്‍ഥിനിയെ അധ്യാപിക അടിച്ചു പരുക്കേല്‍പ്പിച്ചതായി പരാതി. കവലയൂര്‍ വെണ്‍പാലവട്ടം കോണത്തു വീട്ടില്‍ സുനില്‍-സന്ധ്യ ദമ്പതികളുടെ മകള്‍ സാന്ദ്രയ്ക്കാണ് പരുക്കേറ്റത്. 

പാഠഭാഗങ്ങള്‍ വേഗത്തില്‍ എഴുതിയില്ല എന്നാരോപിച്ചാണ് അധ്യാപിക കുട്ടിയെ മര്‍ദിച്ചത്. മര്‍ദനത്തില്‍ കുട്ടിയുടെ വലത് കൈയുടെ വിരലിന് പരുക്കേല്‍ക്കുകയും ചെയ്തു. 

വ്യാഴാഴ്ച്ചയാണ് സംഭവം നടന്നത്. കുട്ടിയുടെ കൈ നീരുവെച്ചത് കണ്ടതിനെ തുടര്‍ന്നാണ് കുട്ടിയോട് രക്ഷിതാക്കള്‍ വിവരം അന്വേഷിച്ചത്.  കുട്ടിയെ വര്‍ക്കല താലൂക്ക് ആശുപത്രിയും പിന്നീട് പാരിപ്പള്ളി മെഡിക്കല്‍ കോളജിലും പ്രവേശിപ്പിച്ചു. 

സ്‌കൂള്‍ അധികൃതര്‍, ചൈല്‍ഡ് വെല്‍ഫെയര്‍, പൊലിസ്, പഞ്ചായത്ത് എന്നിവിടങ്ങളില്‍ പരാതി നല്‍കിയതായി കുട്ടിയുടെ രക്ഷിതാക്കള്‍ അറിയിച്ചു. നിലവില്‍ കുട്ടിയുടെ കൈ പ്ലാസ്റ്റര്‍ ഇട്ടിരിക്കുകയാണ്.

A complaint has been lodged against a teacher for allegedly assaulting a Class 1 student after the child was unable to write quickly in class. The student reportedly sustained injuries in the incident, prompting the family to approach the authorities.