അബൂദബി: വാഹന ഇന്‍ഷുറന്‍സ് ഓണ്‍ലൈനായി എടുക്കുന്നവര്‍ ജാഗ്രത പാലിക്കണമെന്ന് യു.എ.ഇ ആഭ്യന്തര മന്ത്രാലയം. സോഷ്യല്‍ മീഡിയ പ്ലാറ്റ്‌ഫോമുകള്‍ കേന്ദ്രീകരിച്ച് വ്യാജ ഇന്‍ഷുറന്‍സ് പോളിസികള്‍ വില്‍ക്കുന്ന തട്ടിപ്പ് സംഘങ്ങള്‍ സജീവമാണെന്നാണ് മുന്നറിയിപ്പ്.

അവിശ്വസനീയമാം വിധം കുറഞ്ഞ തുക വാഗ്ദാനം ചെയ്ത് ഉപഭോക്താക്കളെ ആകര്‍ഷിച്ചാണ് തട്ടിപ്പ്. മുന്‍കൂറായി പണം വാങ്ങിയ ശേഷം വ്യാജമോ നിലവിലില്ലാത്തതോ ആയ പോളിസികള്‍ നല്‍കുകയുമാണ് ഇവരുടെ രീതി. ഇന്‍ഷുറന്‍സ് കമ്പനികളുടെയും ബ്രോക്കര്‍ ഓഫിസുകളുടെയും പേരില്‍ വ്യാജ സോഷ്യല്‍ മീഡിയ അക്കൗണ്ടുകള്‍ നിര്‍മിച്ചാണ് തട്ടിപ്പുകാര്‍ ഇരകളെ കണ്ടെത്തുന്നത്.

ഇന്‍ഷുറന്‍സ് കമ്പനികളുടെ നിരക്കുകള്‍ പരിശോധിക്കാന്‍ ഓണ്‍ലൈന്‍ പ്ലാറ്റ്‌ഫോമുകള്‍ വഴി സൗകര്യമുണ്ട്. നിരക്കുകള്‍ താരതമ്യം ചെയ്ത് കുറഞ്ഞ നിരക്കില്‍ പോളിസി എടുക്കാനും താല്പര്യപ്പെടുന്നവര്‍ വര്‍ധിച്ച സാഹചര്യത്തിലാണ് സൈബര്‍ തട്ടിപ്പുകാര്‍ വലവിരിക്കുന്നത്. ആളുകള്‍ സര്‍ച്ച് ചെയ്യുമ്പോള്‍ വ്യാജ സോഷ്യല്‍ മീഡിയ അക്കൗണ്ടുകളിലേക്ക് എത്തിപ്പെടാനുള്ള സാധ്യതയുണ്ട്. വമ്പിച്ച ഓഫറുകള്‍ വാഗ്ദാനം ചെയ്യുന്ന പരസ്യങ്ങളിലൂടെയാണ് ആകര്‍ഷിക്കുന്നത്.

ഇന്‍ഷുറന്‍സ് പോളിസികള്‍ക്കായി പണം നല്‍കുന്നതിന് മുന്‍പ് ബന്ധപ്പെട്ട കമ്പനിയോ ബ്രോക്കറോ യു.എ.ഇയില്‍ ലൈസന്‍സുള്ളതാണെന്ന് ഉറപ്പുവരുത്തണമെന്ന് അധികൃതര്‍ നിര്‍ദ്ദേശിച്ചു. അംഗീകൃത ഡിജിറ്റല്‍ പ്ലാറ്റ്‌ഫോമുകള്‍ വഴിയോ ലൈസന്‍സുള്ള ഇന്‍ഷുറന്‍സ് പ്രൊവൈഡര്‍മാര്‍ വഴിയോ മാത്രം പോളിസികള്‍ എടുക്കാന്‍ ശ്രദ്ധിക്കണമെന്നും ഓര്‍മിപ്പിച്ചു.

Abu Dhabi: The UAE Ministry of Interior has warned motorists to be cautious when purchasing vehicle insurance online, as fraudsters are using social media platforms to sell fake insurance policies. Scammers lure customers with unusually low premiums, collect advance payments, and then issue fake or non-existent policies. They often create fake social media accounts impersonating insurance companies and brokers. Authorities advised customers to verify that insurers and brokers are officially licensed in the UAE and to purchase policies only through authorised digital platforms or licensed insurance providers.