മുണ്ടൂര്‍:  പാലക്കാട് മുണ്ടൂര്‍ ഒമ്പതാം മൈലില്‍ വിദ്യാര്‍ഥികള്‍ക്കിടയിലേക്ക് ലോറി പാഞ്ഞുകയറിയുണ്ടായ അപകടത്തില്‍ ഒരു വിദ്യാര്‍ഥി മരിച്ചു. മൂന്ന്  വിദ്യാര്‍ഥികള്‍ക്ക് ഗുരുതരമായി പരുക്കേറ്റു.മുണ്ടൂര്‍ യുവക്ഷേത്ര കോളജിലെ രണ്ടാം വര്‍ഷ ബി.സി.എ വിദ്യാര്‍ഥി മുഹമ്മദ് ഫര്‍ഹാനാണ് മരിച്ചത്.  

വിദ്യാര്‍ഥികളെ കൂടാതെ അപകടത്തില്‍ മറ്റൊരാള്‍ക്കും പരുക്കേറ്റിട്ടുണ്ട്. 

വെള്ളിയാഴ്ച ഉച്ചയ്ക്ക് പള്ളിയില്‍ പോയി വിദ്യാര്‍ഥികള്‍ കോളജിലേക്ക് തിരികെ വരുമ്പോഴായിരുന്നു അപകടം. പാലക്കാട് നിന്ന് ചെര്‍പ്പുളശ്ശേരിയിലേക്ക് ആശുപത്രി മാലിന്യവുമായി പോവുകയായിരുന്ന ലോറിയാണ് അപകടമുണ്ടാക്കിയത്. അപകടത്തില്‍ പരുക്കേറ്റവരെ പാലക്കാട്ടെ സ്വകാര്യ ആശുപത്രിയിലും ജില്ലാ ആശുപത്രിയിലും പ്രവേശിപ്പിച്ചു. രണ്ട് പേരുടെ നില ഗുരുതരമാണെന്നാണ് വിവരം.

A student was killed and three others were injured after a lorry reportedly rammed into a group of students in Mundur. The injured were rushed to a nearby hospital for treatment, while police launched an investigation into the circumstances leading to the accident. The incident has raised concerns over road safety in the area, and further details are awaited.