കൊച്ചി :  കേരളവും ബംഗാളും തമ്മില്‍ ആലുവ ബ്ലൈന്‍ഡ് സ്‌കൂളില്‍ നടന്ന കാഴ്ച്ച പരിമിതര്‍ക്കുള്ള ക്രിക്കറ്റ് ടൂര്‍ണമെന്റില്‍ ബംഗാളിന് പരമ്പര. മൂന്ന് മത്സരങ്ങളുടെ ടൂര്‍ണമെന്റില്‍ രണ്ട് എണ്ണത്തില്‍ വിജയിച്ചാണ് ബംഗാള്‍ പരമ്പര സ്വന്തമാക്കിയത്.  ആദ്യ മത്സരം കേരളം വിജയിച്ചിരുന്നുവെങ്കിലും തുടരെ രണ്ടും മത്സരം ജയിച്ച് മത്സരം സ്വന്തമാക്കുകയായിരുന്നു ബംഗാള്‍. രണ്ടാമത്തെ മത്സരത്തില്‍  ആദ്യം ബാറ്റ്  ചെയ്യ്ത കേരളം  അഞ്ച് വിക്കറ്റ് നഷ്ടത്തില്‍ 192 റണ്‍സെടുത്തു. കേരളത്തിന് വേണ്ടി അബ്ദുള്‍ മുനാസ് ( 75), മുഹമ്മദ് ഫര്‍ഹാന്‍ (46) എന്നിവര്‍ മികച്ച ബാറ്റിങ്ങ് പ്രകടനം കാഴ്ച്ച വെച്ചു. ബംഗാളിന് വേണ്ടി മണ്ഡു ദാസ് 3 വിക്കറ്റ് വീഴ്ത്തി. മറുപടി ബാറ്റിങിനിറങ്ങിയ ബംഗാള്‍ 16.5 ഓവറില്‍ 2 വിക്കറ്റ് നഷ്ടത്തില്‍ ലക്ഷ്യം കണ്ടു. 112 റണ്‍സെടുത്ത ബംഗാളിന്റെ പ്രസന്നജിത്താണ് മാന്‍ ഓഫ് ദി മാച്ച്. മഴ മൂലം 10 ഓവറായി വെട്ടിച്ചുരുക്കിയ മൂന്നാമത്തെ മത്സരവും ബംഗാള്‍ ജയിച്ചു.  കേരളത്തിന്റെ മുഹമ്മദ് ഫര്‍ഹാനാണ് മൂന്നാമത്തെ മത്സരത്തില്‍ മാന്‍ ഓഫ് ദി മാച്ച്.